సినిమాలో తాను మంచి పాత్రలు చేయడానికే ప్రిఫర్ చేస్తానని పాయల్ రాజ్‌పుత్ చెపుతోంది. ఆర్‌ఎక్స్ 100లో యూత్ ను ఆకట్టుకున్న పాయల్ ఆ తర్వాత ఆర్ డిఎక్స్ లవ్, తీస్ మార్ ఖాన్, జిన్నా సినిమాలో నటించింది. మంచు విష్ణు సరసన జిన్నాలో చేసిన హిట్ కొట్టలేకపోయింది. అందుకే మంచి పాత్రలే చేయాలనుకుంటా, చేసాను. ఒక్కోసారి ఫలితం అంతగా రాదు అంటోంది. తాజాగా మాయాపేటిక అనే సినిమాలో నటించింది. దీని గురించి ఆమె మాట్లాడుతూ, మరో మంచి చిత్రం మాయాపేటికతో నేను మళ్లీ ఈ స్టేజ్ మీదకు వచ్చాను..
అభిమానుల ప్రేమ, సపోర్ట్ మాత్రం నాకు ఎప్పుడూ ఉంటూనే ఉంటుంది. వారి ప్రేమ మాత్రం ఎప్పుడూ మారడం లేదు. మీ ప్రేమను చూస్తుంటే నాకు ఆనందంగా ఉంది. నాకు అవకాశం ఇచ్చిన దర్శకుడికి థాంక్స్. ఇలాంటి సినిమా చేయాలంటో ఎంతో రీసెర్చ్ చేయాలి. ఇలాంటి కారెక్టర్, సినిమా అరుదుగా వస్తుంటాయి. డైరెక్టర్ రమేష్ గారితో మళ్లీ మళ్లీ పని చేయాలని ఉంది. మీ నుంచి ఎంతో నేర్చుకోవచ్చు. మీరు మళ్లీ నాతో సినిమా చేస్తారు కదా? చేయాలి. శరత్ చంద్రా రెడ్డి గారితో పని చేయడం నాకు ఎంతో ఆనందంగా ఉంది. ఆయన నా లైఫ్ లాంగ్ ఫ్రెండ్ అయ్యారు' అని అన్నారు. ఈ చిత్రానికి మాగుంట శరత్ చంద్రా రెడ్డి నిర్మాత.
