తెలుగు చిత్రపరిశ్రమకు చెందిన సీనియర్ హీరో విక్టరీ వెంకటేష్. ఈయన తన పుట్టినరోజు వేడుకలను ఆదివారం జరుపుకుంటున్నారు. ఈ సందర్భంగా ఆయన కొత్త చిత్రం "ఎఫ్-3" కాన్సెప్ట్ పోస్టర్‌ను చిత్ర యూనిట్ రిలీజ్ చేసింది.
గతంలో వెంకటేష్ - వరుణ్ తేజ్ హీరోలుగా అనిల్ రావిపూడి దర్శకత్వంలో 'ఎఫ్-2' (ఫన్ అండ్ ఫస్ట్రేషన్) చిత్రం రాగా, ఇది సంచలన విజయాన్ని నమోదు చేసింది. ఈ క్రమంలో ఇపుడు ఈ చిత్రం సీక్వెల్ రానుంది.
ఇందులోకూడా హీరోలుగా వెంకటేష్, వరుణ్ తేజ్‌లు నటిస్తుండగా, హీరోయిన్లుగా తమన్నా, హెబ్బా పటేల్ నటిస్తున్నారు. ఈ చిత్రానికి హెబ్బా పటేల్ అని పేరు పెట్టారు. ఈ క్రమంలో ఆదివారం రోజు వెంకటేశ్ పుట్టినరోజు సందర్భంగా ఈ సినిమా నుంచి పోస్టర్ విడుదల చేశారు.
ఇందులో రెండు ట్రాలీల నిండా వెంకటేశ్, వరుణ్ తేజ్ డబ్బు తీసుకెళ్తున్నారు. పూర్తి స్థాయి కామెడీని పంచుతూ ఎఫ్-3తో మరోసారి హిట్ కొట్టాలని ఈ హీరోలు భావిస్తున్నారు. కాగా, దిల్ రాజు నిర్మిస్తోన్న ఈ సినిమాకి దేవీశ్రీ ప్రసాద్ సంగీతం అందిస్తున్నాడు.
కాగా, వెంకటేశ్ పుట్టినరోజు సందర్భంగా ఆయనకు మెగాస్టార్ చిరంజీవి, సూపర్ స్టార్ మహేశ్ బాబుతో పాటు టాలీవుడ్ ప్రముఖులు శుభాకాంక్షలు తెలిపారు. ఎఫ్-3 కోసం ఎదురు చూస్తున్నామని ట్వీట్లు చేశారు.
