అమీర్ "దంగల్" నాటకీయత జోడించి తీశారు.. ఆ సీన్ చూసి ఏడ్చేశాను : గీతా ఫొగాట్
భారత రెజ్లర్ మహావీర్ సింగ్‌ ఫొగాట్ జీవిత కథ ఆధారంగా తెరకెక్కిన చిత్రం అమీర్ ఖాన్ 'దంగల్'. ఈ చిత్రంలో మహావీర్ సింగ్‌, అతని కూతుళ్లు గీతా ఫొగాట్, బబితా కుమారి నిజజీవిత కథలను ఇందులో హృద్యంగా చూపించా
భారత రెజ్లర్ మహావీర్ సింగ్‌ ఫొగాట్ జీవిత కథ ఆధారంగా తెరకెక్కిన చిత్రం అమీర్ ఖాన్ 'దంగల్'. ఈ చిత్రంలో మహావీర్ సింగ్‌, అతని కూతుళ్లు గీతా ఫొగాట్, బబితా కుమారి నిజజీవిత కథలను ఇందులో హృద్యంగా చూపించారు. ఆ సినిమాలోని ఎమోషన్లు చూసి సామాన్యులే కదలిపోయారు. ఫలితంగా ఈ చిత్రం కనకవర్షం కురిపిస్తోంది.
అయితే, ఈ చిత్రాన్ని చూసిన మహావీర్ పెద్ద కుమార్తె గీతా ఫొగాట్ స్పందిస్తూ... ఈ చిత్రం అంతా బాగున్నా, అందులో ఓ సీన్ తనకు నచ్చలేదని, వాస్తవానికి బాగా నాటకీయత జోడించేశారని వ్యాఖ్యానించింది. తండ్రి నేర్పించిన టెక్నిక్కుల కంటే కోచ్‌ చెప్పినవే గొప్పవని నమ్మే గీత ఓ దశలో తండ్రితోనే కుస్తీ పోటీకి దిగుతుంది. ఆ తర్వాత పలు అంతర్జాతీయ పోటీల్లో పాల్గొని ఓటమి పాలవుతుంది.
ఆ సమయంతా తండ్రికి, గీతకు మధ్య యుద్ధం జరుగుతున్నట్టే చూపించారు. అయితే అదంతా నిజం కాదని చెప్పింది. తన తండ్రితో కేవలం ఒకసారే తలపడ్డానని, అంతటితో అది ముగిసిపోయిందని, కానీ, సినిమాలో బాగా నాటకీయత జోడించేసి తండ్రితో బాగా తలపడినట్లు చూపించారని వాపోయింది.
ఆ సిన్నివేశాలు చూసినపుడు చాలా వేదనకు గురయ్యానని, ఏడ్చానని కూడా గీత చెప్పుకొచ్చింది. మొత్తంమీద సినిమా చాలా అద్భుతంగా ఉందని, కుస్తీ పోటీలను చాలా సహజంగా తెరకెక్కించారని ప్రశంసించింది. తమ జీవితాలను తెరపై చూసుకోవడం చాలా ఆనందం కలిగించిందని గీతా ఫొగాట్ వ్యాఖ్యానించింది.
