సిసింద్రీ సినిమా గురించి అందరికీ బాగా తెలుసు. అక్కినేని నాగార్జున, ఆయన తనయుడు అఖిల్ నటించిన సినిమా ఇది. వీరిద్దరీ కాంబోలో వచ్చిన ఈ చిత్రం హిట్టైన సంగతి తెలిసిందే. నాగ్ - అఖిల్‌ల క్రేజీ కాంబినేషన్‌లో భారీ మల్టీస్టారర్ ప్లాన్ జరుగుతుందని తెలిసింది.
ఈ క్రేజీ మల్టీస్టారర్‌కి డైరెక్టర్ ఎవరంటే... వరుస విజయాలు సాధిస్తున్న సక్సస్ ఫుల్ డైరెక్టర్ అనిల్ రావిపూడి అని సమాచారం. నాగ్-అఖిల్ వీరిద్దరికీ కరెక్ట్‌గా సెట్ అయ్యే స్టోరీ రెడీ చేసాడట. ఇటీవల నాగ్‌ని కలిసి స్టోరీ వినిపించాడని తెలిసింది. ఈ వార్త బయటకు వచ్చినప్పటి నుంచి అభిమానులు ఈ ప్రాజెక్ట్ సెట్ అయి త్వరగా సెట్స్ పైకి వెళ్లాలి అని కోరుకుంటున్నారు.
ఇప్పటికే టాలీవుడ్ కింగ్ నాగార్జున ప్రస్తుతం వైల్డ్ డాగ్ మూవీ చేస్తున్నారు. ఈ చిత్రానికి నూతన దర్శకుడు సోల్మాన్ దర్శకత్వం వహిస్తున్నారు. ఇటీవల హిమాలయాల్లో షూటింగ్ పూర్తి చేసుకుంది. ఈ సినిమాతో పాటు నాగార్జున ప్రవీణ్ సత్తారు డైరెక్షన్‌లో ఓ విభిన్న కథా చిత్రంలో నటించనున్నారు.
అలాగే బంగార్రాజు సినిమా కూడా షూటింగ్‌కి రెడీ అవుతుంది. ఇక అఖిల్ సినిమాల విషయానికి వస్తే... ప్రస్తుతం మోస్ట్ ఎలిజిబుల్ బ్యాచ్ లర్ మూవీ చేస్తున్నారు. ఈ చిత్రానికి బొమ్మరిల్లు భాస్కర్ దర్శకత్వం వహిస్తున్నారు. అల్లు అరవింద్ సమర్పణలో బన్నీ వాసు, వాసు వర్మ సంయుక్తంగా ఈ సినిమాని నిర్మిస్తున్నారు. రొమాంటిక్ ఫ్యామిలీ ఎంటర్ టైనర్‌గా రూపొందుతోన్న ఈ సినిమాని సంక్రాంతికి రిలీజ్ చేయడానికి స్లాన్ చేస్తున్నారు.
ఈ సినిమా తర్వాత స్టైలీష్ డైరెక్టర్ సురేందర్ రెడ్డి డైరెక్షన్‌లో ఓ భారీ చిత్రంలో నటించనున్నారు. ఈ చిత్రం ప్రీ ప్రొడక్షన్ వర్క్ జరుగుతుంది. జనవరి నుంచి షూటింగ్ స్టార్ట్ చేయనున్నట్టు సమాచారం.
