జైలులో దిలీప్ నిద్రలేని రాత్రులు.. ఆగస్టు 22 వరకు కస్టడీ పొడిగింపు.. 15 తోటి ఖైదీలతోనే?
ప్రముఖ నటి భావన లైంగిక వేధింపుల కేసులో అరెస్టైన కేసులో జైలులో ఉన్న స్టార్ హీరో దిలీప్.. తన భార్య కావ్యమాధవన్‌ను పోలీసులు పదేపదే ప్రశ్నించడంపై ఆయన ఆందోళన చెందుతున్నట్లు సమాచారం. జైలులో దిలీప్ తీవ్ర ఒత్
ప్రముఖ నటి భావన లైంగిక వేధింపుల కేసులో అరెస్టైన కేసులో జైలులో ఉన్న స్టార్ హీరో దిలీప్.. తన భార్య కావ్యమాధవన్‌ను పోలీసులు పదేపదే ప్రశ్నించడంపై ఆయన ఆందోళన చెందుతున్నట్లు సమాచారం. జైలులో దిలీప్ తీవ్ర ఒత్తిడికి గురవుతున్నారని జాతీయ మీడియాల్లో వార్తలొస్తున్నాయి. జైలులో దిలీప్ నిద్రలేమి రాత్రులు గడుపుతున్నారని, అది ఆయన ఆరోగ్యంపై ప్రభావం చూపుతోందని వార్తలొస్తున్నాయి.
ఫలితంగా దిలీప్ అనారోగ్యానికి గురయ్యాడని, భద్రతా కారణాల రీత్యా ఆయనను ఆసుపత్రికి తరలించడం లేదని, జైల్లోనే వైద్యమందిస్తున్నారని జైలు అధికారులు వెల్లడించినట్లు సమాచారం. కాగా, ఈ నెల 2న దిలీప్ మాజీ భార్య మంజు వారియర్‌ను ప్రశ్నించిన పోలీసులు, ఆయనతో వివాహం, వివాహానికి ముందు, తరువాత ఆయన వ్యవహార శైలిపై కూపీ లాగినట్టు తెలుస్తోంది. కాగా, దిలీప్‌కు మూడు వివాహాలు అయినట్టు పోలీసు దర్యాప్తులో వెలుగు చూసిన సంగతి తెలిసిందే.
ఈ నేపథ్యంలో మాలీవుడ్ ప్రముఖ నటుడు దిలీప్ ఆగస్టు 22వ తేదీ వరకు జైలుకే పరిమితం కానున్నాడు. మంగళవారం కేరళలోని అంగమాలి మెజిస్ట్రేట్ కోర్టు దిలీప్ జ్యుడీషియల్ కస్టడీ ఆగస్టు 22వ తేదీ వరకు పొడిగిస్తూ ఆదేశాలు జారీ చేసింది.
నటి కిడ్నాప్, లైంగిక వేధింపుల కేసులో పోలీసులకు చిక్కిన నిందితుడు పల్సర్ సునీ నోరు విప్పడంతో దిలీప్ అరెస్టు చేశారు. పోలీసుల విచారణ అనంతరం దిలీప్ ను ఆలువా సబ్ జైలుకు తరలించారు. అప్పటి నుంచి రిమాండ్ ఖైదీగా దిలీప్ ఆలువా సబ్ జైల్లోనే ఉన్నాడు. ఆగస్టు 15వ తేదీన సాటి ఖైదీలతో దిలీప్ స్వాతంత్ర దినోత్సవం వేడుకల్లో పాల్గోనాల్సి ఉంది.
