థియేటర్ నుంచి బయటకు వచ్చా కానీ బాహుబలి నుంచి రాలేక పోతున్నా : దేవీశ్రీ ప్రసాద్
'బాహుబలి 2' చిత్రంపై సంగీత దర్శకుడు దేవీశ్రీ ప్రసాద్ ట్వీట్ చేశాడు. మూడు రోజుల క్రితం ఈ చిత్రాన్ని చూసిన దేవీశ్రీ... ఆ సినిమాపై తన ఫీలింగ్స్‌ను ఓ నోట్ రూపంలో షేర్ చేశాడు. గత నెల 28వ తేదీన విడుదలైన ఈ చ
'బాహుబలి 2' చిత్రంపై సంగీత దర్శకుడు దేవీశ్రీ ప్రసాద్ ట్వీట్ చేశాడు. మూడు రోజుల క్రితం ఈ చిత్రాన్ని చూసిన దేవీశ్రీ... ఆ సినిమాపై తన ఫీలింగ్స్‌ను ఓ నోట్ రూపంలో షేర్ చేశాడు. గత నెల 28వ తేదీన విడుదలైన ఈ చిత్రం ప్రపంచ వ్యాప్తంగా సరికొత్త రికార్డులు క్రియేట్ చేస్తున్న విషయం తెల్సిందే. ఈ చిత్రాన్ని ప్రతి ఒక్క సినీ ప్రముఖుడు వీక్షిస్తూ.. తమ స్పందనను ట్వట్టర్ ద్వారా తెలియజేస్తున్నారు.
"బాహుబలి-2 సినిమా చూసి మూడు రోజులవుతోంది. సినిమా అయిపోగానే థియేటర్ నుంచి అయితే బయటకు రాగలిగాను కానీ, ‘బాహుబలి’ నుంచి ఇంకా బయటకు రాలేకపోతున్నాను. బాహుబలి-2 అనేది కేవలం భారీ బడ్జెట్ సినిమా మాత్రమే కాదు. అమేజింగ్ స్టోరీ లైన్. ఉత్కంఠను పెంచే స్రీన్‌ప్లే, ఒళ్లు గగుర్పొడిచే విజువల్స్, దిమ్మతిరిగే నటన" అంటూ సినిమాపై ప్రశంసల జల్లు కురిపించాడు.
మొత్తంగా ‘బాహుబలి’ సినిమా తనను మంత్రముగ్ధుడిని చేసిందని దేవీ చెప్పాడు. సినిమా చేస్తున్నంత సేపూ ఎన్నిసార్లు క్లాప్స్ కొట్టానో.. ఎన్నిసార్లు ఆనందంతో కేకలు వేశానో తనకే తెలీదని పేర్కొన్నాడు. ‘హ్యాట్సాఫ్ ఎస్.ఎస్ రాజమౌళి సర్.. కొంతమంది కల కనేందుకు సాహసం కూడా చేయలేని దాన్ని మీరు సాధించారు’ అని దేవిశ్రీ ట్వీట్ చేశాడు.
