హార్రర్ కామెడీ మూవీ: నాలుగోసారి దీపికాతో షారూఖ్ రొమాన్స్..?
ఓం శాంతి ఓం, చెన్నై ఎక్స్‌ప్రెస్, హ్యాపీ న్యూ ఇయర్ సినిమాలతో ఆకట్టుకున్న హిట్ పెయిర్ షారూఖ్ ఖాన్, దీపికా పదుకొనేలు మళ్లీ నాలుగోసారి జతకట్టనున్నారు. చెన్నైఎక్స్ ప్రెస్ సినిమాతో సూపర్ హిట్‌ను తన ఖాతాలో
ఓం శాంతి ఓం, చెన్నై ఎక్స్‌ప్రెస్, హ్యాపీ న్యూ ఇయర్ సినిమాలతో ఆకట్టుకున్న హిట్ పెయిర్ షారూఖ్ ఖాన్, దీపికా పదుకొనేలు మళ్లీ నాలుగోసారి జతకట్టనున్నారు. చెన్నైఎక్స్ ప్రెస్ సినిమాతో సూపర్ హిట్‌ను తన ఖాతాలో వేసుకున్న రోహిత్ శెట్టి మరోసారి.. ఈ హిట్ జోడీతో సినిమా తీసేందుకు రెడీ అవుతున్నారు. ప్రస్తుతం ఈ సినిమా చర్చల్లో ఉన్నట్లు బిటౌన్‌లో వార్తలొస్తున్నాయి.
షారూఖ్ ఖాన్, దీపికా పదుకునే కాంబోలో వచ్చే నాలుగో సినిమాను హార్రర్ కామెడీగా రూపొందించేందుకు రోహిత్ శెట్టి ప్లాన్ చేస్తున్నారు. ఓం శాంతి ఓం క్లైమాక్స్‌లో దీపికా దెయ్యంగా కనిపిస్తోంది. అదే స్ఫూర్తితో ఈ సినిమాలో దీపికాను దెయ్యంగా చూపెట్టనున్నారని తెలిసింది. తద్వారా వరుస ఫెయిల్యూర్స్‌తో ఇబ్బంది పడుతున్న బాద్ షా, సౌత్ నార్త్ ఇండస్ట్రీలలో సక్సెస్ ఫార్ములాగా మారిన హార్రర్ కామెడీతో ఆకట్టుకునేందుకు సర్వం సిద్ధం చేసుకుంటున్నాడు.
