రెబ‌ల్ స్టార్ ప్ర‌భాస్ వ‌రుస‌గా సినిమాలు చేస్తున్నారు. అందులో వైజయంతీ మూవీస్ ప‌తాకంపై నాగ్ అశ్విన్ ద‌ర్శ‌క‌త్వంలో ఓ సినిమా వుంది. దానికి సంబంధించి తారాగ‌ణంలో ప్ర‌భాస్‌కు జోడిగా ఎవ‌ర‌నేది స‌స్పెన్స్‌గా వుంది. పాన్ ఇండియా మూవీగా రూపొంద‌నున్న ఈ సినిమాలో దీపికపదుకొనే రాబోతున్న‌ట్లు వార్తలు వ‌చ్చాయి. అది నిజ‌మేన‌ని శ‌నివారంనాడు వైజయంతీ మూవీస్ ప్ర‌క‌టించింది.
అందుకు సంబంధించిన తాంబూలంతో కూడిన ఓ స్టిల్‌ను కూడా పోస్ట్ చేస్తూ, వైజయంతీ ఫిల్మ్స్ కు స్వాగతం రాణి దీపికపదుకొనే అంటూ కొటేష‌న్ పోస్ట్ చేశారు. ఇందులో ఐదు పాట‌లుంటాయి. వాటిని సీతారామ‌శాస్త్రితో రాయించాల‌ని చ‌ర్చ‌లు జ‌రిగాయ‌నీ, త్వ‌ర‌లో రాస్తారు అన‌గా ఆయ‌న కాలం చేయ‌డం దుర‌దృష్ట‌మ‌ని అశ్వ‌నీ ద‌త్ వెల్ల‌డించారు.
ఇదిలా వుండ‌గా, ఈ సినిమా గురించి పూర్తి త్వ‌ర‌లో తెలియ‌జేస్తామ‌ని నిర్మాణ సంస్థ తెలియ‌జేసింది. నాగ్ అశ్విన్ మాట్లాడుతూ, తెలుగులో మ‌రో భిన్న‌మైన కోణంలో సినిమాను ప్రేక్ష‌కులు చూస్తార‌ని తెలియ‌జేస్తున్నారు.
