టాలీవుడ్ స్టార్ హీరోలు అల్లు అర్జున్, ఎన్టీఆర్తో కలిసి సినిమా చేయాలని ఉందని తన మనసులో మాట బయట పెట్టింది బాలీవుడ్ హీరోయిన్ దీపికా పదుకొణె. బాలీవుడ్ నటి దీపికా పదుకొణె గెహ్రాహియా చిత్రంతో శుక్రవారం నాడు ప్రేక్షకుల ముందుకు వచ్చింది. అయితే ఈ సినిమా ప్రమోషన్స్ లో చురుగ్గా పాల్గొన్న దీపికా తన మనసులో మాట‌ను వెల్ల‌డించింది.
అల్లు అర్జున్, ఎన్టీఆర్ సరసన పని చేయాలని ఉందని మీడియాతో చెప్పేసింది. తారక్ వ్యక్తిత్వం, నటన తననెంతో ఆకట్టుకున్నాయని ఆమె చెప్పింది. ఇప్పటికే ప్రభాస్తో కలిసి 'ప్రాజెక్ట్ కె' సినిమాలో దీపిక హీరోయిన్ గా నటిస్తోంది. బాలీవుడ్ హీరోయిన్స్ టాలీవుడ్ సినిమాల్లో ఎప్పటి నుంచో నటిస్తూ ఉండగా ఇప్పుడు ఆ ట్రెండ్ మరింత పెరిగింది అనే చెప్పాలి. ఇప్పటికే అలియా భట్, దీపికా పదుకొణె, అనన్య పాండే మన హీరోలతో కలిసి పాన్ ఇండియా ప్రాజెక్టుల్లో నటిస్తున్నారు.
