స్టైలిష్ స్టార్ అల్లు అర్జున్ నటిస్తున్న తాజా చిత్రం పుష్ప. సుకుమార్ దర్శకత్వం వహిస్తున్న ఈ చిత్రం రెండు భాగాలుగా విడుదల కానుంది. ఇందులో నుంచి తొలి సింగిల్ సాంగ్‌ను తాజాగా రిలీజ్ చేశారు.
దేవి శ్రీ ప్రసాద్ కంపోజ్ చేసిన లిరిక‌ల్ సాంగ్ వీడియో విడుదల చేశారు. ఈ పాటను ఐదు భాషలలో ఐదుగురు ఫేమస్ సింగర్స్ పాడారు. హిందీలో ఈ పాటను విశాల్ దద్లానీ, తెలుగులో శివం, కన్నడంలో విజయ్ ప్రకాశ్, మళయాలంలో రాహుల్ నంబియార్, త‌మిళంలో బెన్నీ ద‌యాల్ ఆల‌పించారు.
దేవిశ్రీ ప్రసాద్ కంపోజ్ చేసిన సింగిల్ ట్యూన్‌కి సూప‌ర్భ్ రెస్పాన్స్ వ‌స్తుంది. అయితే ఈ పాట‌లో బన్నీ మాస్ లుక్, స్టెప్స్ ఎంత‌గానో ఆక‌ట్టుకుంటున్నాయి. ఈ పాట కూడా మూవీపై అంచ‌నాలు భారీగానే పెంచింది.
కాగా, అల వైకుంఠ‌పురుమ‌లో వంటి బ్లాక్ బ‌స్ట‌ర్ చిత్రం తర్వాత అల్లు అర్జున్ నటిస్తున్న చిత్రం పుష్ప. ఎర్ర చందనం స్మగ్లింగ్ నేపథ్యంలో తెరకెక్కుతున్న ఈ మూవీలో బన్నీ పుష్పరాజ్ అనే లారీ డ్రైవ‌ర్‌గా క‌నిపించ‌నున్నాడు. ఆయ‌న భార్య పాత్ర‌లో ర‌ష్మిక కూడా డీ గ్లామ‌ర్‌గానే క‌నిపించ‌నుంద‌ని స‌మాచారం.
ఫస్ట్ లుక్ పోస్టర్, పుష్పరాజ్ ఇంట్రడక్ష‌న్ వీడియో అంటూ మొదటి నుంచి ఈ సినిమా పై హైప్స్ క్రియేట్ చేస్తూ వస్తున్న మేకర్స్… ఇటీవల ఈ మూవీ నుంచి దాక్కో దాక్కో మేక ఫస్ట్ సాంగ్ త్వరలోనే రాబోతుందని ప్రకటించిన సంగతి తెలిసిందే.
ఈ సాంగ్‌కి సంబంధించి కూడా ప‌లు వీడియోలు విడుదల చేశారు. తాజాగా "దాక్కో దాక్కో మేక.. పులొచ్చి కొరుకుద్ది పీక" అనే బీట్‌తో వ‌చ్చిన ఈ పాట‌లో బన్నీ నోటితో పెద్ద కత్తి పట్టుకొని సీరియస్ లుక్లో కనిపిస్తున్నాడు.
