"కలలు కనే ప్రదేశం న్యూయార్క్ అని అంటారు. నా మొదటి చిత్రం (ఏ మాయ చేశావే) కోసం ఇక్కడ చిత్రీకరించినప్పుడు నేను నా కెరీర్‌ని ప్రారంభించాను. అప్పుడు ఒక చిన్న అమ్మాయి తను ఎలా ఎదుగుతుంథో ఎలాంటి క్లూ లేకుండానే భయపడిపోయింది...కానీ పెద్ద కలలు కనేంత ధైర్యం ఇక్కడే వచ్చింది. 14 ఏళ్ల తర్వాత ఈరోజు. మీముందుకు రావడం చాలా ఆనందంగా ఉంది.- అని సమంత రూత్ ప్రభు అన్నారు.
సమంత రూత్ ప్రభు న్యూయార్క్‌లో జరుగుతున్న 41వ స్వాతంత్ర దినోత్సవ పరేడ్ లో పాల్గొని ప్రసంగించారు. జైహింద్ అంటూ మొదలు పెట్టి..అభిమానులకు అలరించారు. నా ప్రతి సినిమాకు మీరు సపోర్ట్ చేశారు. వ్యక్తి గతంగా అండగా ఉన్నారు. ఈ ప్రేమ ఎప్పుడు ఉండాలి. ఖుషి.. సెప్టెంబర్ 1న చుడండి అని తెలిపారు. న్యూయార్క్‌లో జరిగిన 41వ ఇండియా డే పరేడ్‌లో సమంత రూత్ ప్రభుకు సంబంధించిన చిత్రాలు, వీడియోలు సోషల్ మీడియాలో హల్ చల్ చేస్తున్నాయి.
