పవర్ స్టార్ పవన్ కళ్యాణ్ రీఎంట్రీ మూవీ వకీల్ సాబ్ ప్రస్తుతం హైదరాబాద్‌లో షూటింగ్ జరుపుకుంటుంది. వేణుశ్రీరామ్ దర్శకత్వంలో రూపొందుతోన్న ఈ మూవీ ఇటీవల షూటింగ్ స్టార్ట్ కావడం.. ఇందులో పవన్ కళ్యాణ్ జాయిన్ కావడంతో సంక్రాంతికి వకీల్ సాబ్ రావడం పక్కా అనుకున్నారు.
అయితే... దీపావళికి వకీల్ సాబ్ మూవీకి సంబంధించి ఎలాంటి టీజర్ రిలీజ్ కాకపోవడంతో అసలు విషయం తెలిసింది. ఏంటంటే... ఈ సినిమా సంక్రాంతికి రావడం లేదట. సమ్మర్‌కి రిలీజ్ చేయాలని దిల్ రాజు డిసైడ్ అయినట్టు తెలిసింది.
ఇక సినీ ప్రియులు అందరూ ఎంతో ఆసక్తితో ఎదురుచూస్తున్న మూవీ ఆర్ఆర్ఆర్. ఎన్టీఆర్ - రామ్ చరణ్ - రాజమౌళిల కాంబినేషన్లో రూపొందుతోన్న ఈ మూవీ ప్రస్తుతం యాక్షన్ సీన్స్ చిత్రీకరణ జరుపుకుంటుంది.
ఎన్టీఆర్ ఈ సినిమాకి సంబంధించిన వర్క్‌ను మార్చికి కంప్లీట్ చేయనున్నారు. జులైకి ఈ సినిమా కంప్లీట్ అవుతుంది అని చెబుతున్నారు కానీ... అక్టోబర్లో రిలీజ్ చేయాలి అనుకుంటున్నారని తెలిసింది. ఎన్టీఆర్ త్రివిక్రమ్‌తో చేసే సినిమాని మార్చిలో స్టార్ట్ చేయనున్నారు. ఈ సినిమాని 2022 సంక్రాంతికి రిలీజ్ చేయాలని ప్లాన్ చేస్తున్నారు.
ఆచార్య చిత్రాన్ని 2021 సమ్మర్‌కి రిలీజ్ చేయడానికి ప్లాన్ చేస్తున్నారు. అలాగే బాలయ్య - బోయపాటి మూవీని కూడా 2021 సమ్మర్లో రిలీజ్ చేయాలి అనుకుంటున్నారు. పుష్ప సినిమా ఇప్పుడే స్టార్ట్ అయ్యింది.. పైగా సుకుమార్ చాలా టైమ్ తీసుకుంటాడు కాబట్టి... పుష్ప రిలీజ్ పైన క్లారిటీ రావాలంటే కొంత కాలం ఆగాల్సిందే.
