దేవుడిని నమ్ముకున్న చిరంజీవి... 150వ చిత్రం హిట్ కోసం...
నటుడు, రాజకీయ నాయకుడు చిరంజీవి దేవుడిపైనే నమ్మకాన్ని పెట్టుకున్నట్లు తెలుస్తోంది. ఆయన నటిస్తున్న 150వ సినిమా 'ఖైదీ నెం.150' చిత్రం అఖండ విజయాన్ని కాంక్షిస్తూ.. అభిమానుల చేత హోమాలు, యజ్ఞాలు చేయిస్తున్నారు. ఇంతకుముందే ఈస్ట్‌, వెస్ట్‌ గోదావరి జిల్లాలోని
నటుడు, రాజకీయ నాయకుడు చిరంజీవి దేవుడిపైనే నమ్మకాన్ని పెట్టుకున్నట్లు తెలుస్తోంది. ఆయన నటిస్తున్న 150వ సినిమా 'ఖైదీ నెం.150' చిత్రం అఖండ విజయాన్ని కాంక్షిస్తూ.. అభిమానుల చేత హోమాలు, యజ్ఞాలు చేయిస్తున్నారు. ఇంతకుముందే ఈస్ట్‌, వెస్ట్‌ గోదావరి జిల్లాలోని పలు క్షేత్రాల్లో చిరంజీవి పుట్టినరోజైన ఆగస్టు 22న నిర్వహించారు.
తాజాగా... 'మా' టీవీలో మీలో ఎవరు కోటీశ్వరుడు.. ప్రోగ్రామ్‌కు హోస్ట్‌గా బాధ్యతలు నిర్వహిస్తున్నాడు. కాగా, సంక్రాంతికి విడుదల కాబోయే.. ఖైదీ నెం.150 సినిమా అఖండ విజయాన్ని చేకూర్చాలని.. మొదటిసారిగా రామ్‌ చరణ్‌ నిర్మాతగా మారిన సందర్భంగా ఆయనకూ పేరు రావాలని.. ముక్కోటి దేవతలను మొక్కుకున్నాడు. చిరంజీవి అభిమాన సంఘాలు భారత్‌లోని ప్రముఖమైన ఆరు పుణ్యక్షేత్రాలలో మాస శివరాత్రినాడు.. వివిధ హోమాలు చేస్తున్నారు.
ఈ సందర్భంగా... దానికి సంబంధించిన పోస్టర్లను కూడా విడుదల చేశారు. సినిమా విజయాన్ని కాంక్షించాలంటే.. అభిమానం కంటే.. దేవుడి ఆశీస్సులు మెరుగని భావించినట్లున్నారు. ఇదిలావుండగా.. ఇప్పటికే చిరంజీవి 150వ సినిమాపై చిత్రసీమలో డివైడ్‌టాక్‌ నెలకొంది. దేనికైనా మంచిదనేంగా.. ఎప్పుడూ లేని విధంగా ఇలా పూజలు చేయడం విశేషమే మరి..
