టాలీవుడ్ మెగాస్టార్ చిరంజీవి జెంటిల్మెన్ లుక్‌లో కనిపించారు. ఆయన నటించిన తాజా చిత్ర "భోళాశంకర్". ఈ చిత్రంలో చిరంజీవి డ్యాన్సులు, ఫైట్స్ చూసినవాళ్లంతా ఆయనకు 67 యేళ్లు అంటే ఎవరూ నమ్మడం లేదు. ఇటీవల మరింత స్లిమ్‌గా మారిన చిరు.. కుర్రాళ్ళకు ధీటుగా ఫిట్నెస్ కాపాడుకుంటున్నారు. ఈ విషయంలో ఏమాత్రం అతిశయోక్తి లేదు. ఈ నేపథ్యంలో చిరంజీవికి సంబంధించిన కొత్త ఫోటోలు ఇపుడు సోషల్ మీడియాలో వైరల్ అయ్యాయి.
తాజాగా షర్ట్, ప్యాటు, చేతికి వాచీ, కాళ్లకు హాఫ్‌ షూ ధరించిన మెగాస్టార్ "జెంటిల్మెన్" లుక్‌లో సింపుల్‌గా దర్శనమిచ్చారు. ఎంతో కూల్‌గా ఉన్న ఈ పిక్స్ అభిమానులను విశేషంగా ఆకట్టుకుంది. కొంతకాలం కిందట సినిమాలకు సుధీర్ఘ విరామం ఇచ్చిన చిరంజీవి.. "ఖైదీ నంబర్ 150"తో రీ ఎంట్రీ ఇచ్చిన విషయం తెల్సిందే. అక్కడ నుంచి ఆయన జెట్ స్పీడ్ వేగంతో దూసుకెళుతున్నారు. "సైరా నరసింహా రెడ్డి, ఆచార్య, గాడ్ ఫాదర్, వాల్తేరు వీరయ్య", తాజాగా "భోళాశంకర్". మరో రెండు చిత్రాలు సెట్స్‌పై ఉండగా, త్వరలోనే "సోగ్గాడే చిన్ని నాయనా" ఫేం కళ్యాణ్ కృష్ణ కురసాల దర్శకత్వంలో చిరంజీవి ఓ చిత్రంలో నటించనున్నారు.
