మెగా ఫ్యామిలీ నుంచి నాగేంద్ర బాబుతో పాటు కొణిదెల సురేఖ, ప్రస్తుతం కథానాయకుడు రామ్‌చరణ్‌ కూడా నిర్మాతగా కొనసాగుతున్నాడు. ఇప్పుడు వీరి కుటుంబసభ్యుల్లో మరొకరు నిర్మాత జాబితాలో చేరారు. ఆమె రామ్‌చరణ్‌ సోదరి సుస్మిత కొణిదెల. చిరు, చరణ్‌ నటిస్తున్న చిత్రాలకు కాస్ట్యూమ్‌ డిజైనర్‌గా వున్న నిర్మాతగా కొత్త అవతారం ఎత్తనున్నారు.
గోల్డ్‌బాక్స్‌ ఎంటర్‌టైన్‌మెంట్‌ అనే సంస్థను స్థాపించి మంగళవారం ఆమె వెబ్‌సీరిస్‌కు శ్రీకారం చుట్టారు. అంతేకాదు ఈ సంస్థలో తన కుటుంబంలోని హీరోలతో సినిమాలు కూడా చేసే ఆలోచన వుందని చెప్పారు. దీంతో... రామ్‌చరణ్‌కు నిర్మాతగా ఇంటిలోనే గట్టిపోటీని ఇవ్వబోతుంది సుస్మిత. క్రైమ్‌ డ్రామా నేపథ్యంతో ఈ వెబ్‌సిరీస్‌ రూపుదిద్దుకోనున్నట్లు సమాచారం. విభిన్నమైన కథ, కథనాలతో తెరకెక్కనున్నట్లు తెలుస్తోంది.
