ఎన్నో విల‌క్ష‌ణ‌మైన పాత్ర‌ల‌ను పోషించి న‌టుడిగా త‌న ప్ర‌త్యేక‌త‌ను చాటుకున్న చియాన్ విక్రమ్ త‌దుప‌రి చిత్రం ‘చియాన్ 62’కు (వ‌ర్కింగ్ టైటిల్‌) సంబంధించిన అధికారిక ప్ర‌క‌ట‌న వెలువ‌డింది. ప్ర‌ముఖ నిర్మాణ సంస్థ హెచ్‌.ఆర్‌.పిక్చ‌ర్స్ బ్యాన‌ర్‌పై ఈ సినిమా రూపొందుతుంది. దీనికి సంబంధించిన వీడియోను మేక‌ర్స్ విడుదల చేశారు. ప‌న్నైయారుమ్ ప‌ద్మినియుమ్‌, సేతుప‌తి, సిందుబాద్ స‌హా రీసెంట్‌గా విడుద‌లైన సూప‌ర్ చిత్రం చిత్తా (చిన్నా) వంటి డిఫ‌రెంట్ మూవీస్‌ను తెర‌కెక్కించి విమ‌ర్శ‌కుల ప్ర‌శంస‌లు పొందిన ద‌ర్శ‌కుడు ఎస్‌.యు.అరుణ్ కుమార్ ఈ చిత్రాన్ని డైరెక్ట్ చేస్తున్నారు.
ఈ ఇంటెన్స్ గ్రిప్పింగ్ యాక్ష‌న్ ఎంట‌ర్‌టైన‌ర్‌కు జాతీయ అవార్డ్ గ్ర‌హీత జి.వి.ప్రకాష్ సంగీతాన్ని అందిస్తున్నారు. హెచ్‌.పిక్చ‌ర్స్ బ్యాన‌ర్‌పై రియా షిబు ఈ చిత్రాన్ని నిర్మిస్తున్నారు. చియాన్ 62వీడియో గ్లింప్స్‌లో వెర్స‌టైల్ యాక్ట‌ర్ విక్రమ్ అద్భుత‌మైన యాక్ష‌న్‌ను మ‌నం చూడొచ్చు. ఇవి ఈ చిత్రంలో పార్ట్ 1కు సంబంధించిన స‌న్నివేశాలు. ఈ సినిమా రెగ్యుల‌ర్ షూటింగ్ వ‌చ్చే ఏడాది నుంచి ప్రారంభం కానుంది.
ఇప్ప‌టికే ధృవ న‌క్ష‌త్రం, తంగలాన్ చిత్రాల‌కు సంబంధించిన అప్‌డేట్స్‌తో ఫుల్ ఎంజాయ్ చేస్తున్న చియాన్ విక్రమ్ ఫ్యాన్స్‌కి తాజాగా చియాన్ 62 వీడియో అనౌన్స్‌మెంట్ మ‌రింత సంతోషాన్ని ఇచ్చింది.
