కొరియోగ్రాఫర్ జానీ మాస్టర్‌కు మధ్యంతర బెయిల్‌పై ప్రజల్లో తీవ్ర ఆగ్రహం వ్యక్తమవుతోంది. తన అసిస్టెంట్ కొరియోగ్రాఫర్‌పై లైంగిక వేధింపుల ఆరోపణలపై జైలు శిక్ష అనుభవించిన జానీ, అక్టోబర్ 6 నుండి 10 వరకు జరిగే జాతీయ అవార్డుల వేడుకకు హాజరు కావడానికి బెయిల్ మంజూరు చేశారు. ఈ క్రమంలో బెస్ట్ కొరియోగ్రఫీ అవార్డును అందుకోవడానికి సిద్ధంగా ఉన్నందున, అతని అభ్యర్థన తర్వాత కోర్టు ఈ నిర్ణయం తీసుకుంది.
తిరుచిట్రంబళం చిత్రంలోని "మేఘం కరుకాథ" పాటకు ఈ అవార్డు దక్కనుంది. లైంగిక వేధింపుల ఆరోపణలు ఎదుర్కొంటున్న జానీ మాస్టర్‌కు జాతీయ అవార్డుల ప్రదానోత్సవానికి హాజరయ్యేందుకు అనుమతిస్తూ కోర్టు మధ్యంతర బెయిల్ మంజూరు చేయడంపై సోషల్ మీడియాలో నెటిజన్లు ఆగ్రహం వ్యక్తం చేస్తున్నారు. అటువంటి తీవ్రమైన ఆరోపణలను ఎదుర్కొంటున్న ఎవరైనా బహిరంగంగా గౌరవాన్ని పొందగలరా అంటూ చాలా మంది విస్మయం వ్యక్తం చేస్తున్నారు.
అటువంటి కార్యక్రమంలో కనిపించడానికి సిగ్గుపడాలని పలువురు నెటిజన్లు అంటున్నారు. అలాంటి నేరానికి పాల్పడిన వ్యక్తి సంబరాలు చేసుకోకూడదని వాదిస్తూ జాతీయ అవార్డును రద్దు చేయాలనే డిమాండ్ కూడా పెరుగుతోంది.
