బాలీవుడ్ నటి తాప్సీ మార్చి 23న ఉదయపూర్‌లో చిరకాల ప్రియుడు, బ్యాడ్మింటన్ క్రీడాకారుడు మథియాస్ బోయ్‌ను వివాహం చేసుకున్నారు. ఈ జంట వారి వివాహానికి సంబంధించిన అధికారిక చిత్రాలను ఇంకా పంచుకోనప్పటికీ, వీరి పెళ్లి వీడియో ఇప్పుడు ఆన్‌లైన్‌లో వచ్చింది.
వీడియోలో, తాప్సీ పెళ్లి వేడుకలో భాగంగా వరుడి వద్దకు వెళుతున్నప్పుడు ఆమె నృత్యం చేయడం చూడవచ్చు. ఈ వీడియో నెట్టింట వైరల్ అవుతోంది. ఇక తాప్సీ వివాహం సన్నిహితుల మధ్య జరిగింది. తాప్సీ సాంప్రదాయ ఎరుపు సల్వార్ సూట్‌ను ధరించి కనిపించగా, మథియాస్ 'సెహ్రా'తో పూర్తి ఐవరీ షేర్వాణీని ధరించాడు.
