త్వరలో లైవ్‌లోకి పునర్నవి.. లైట్‌గా తీసుకో రాహులా.. జోకులేసిన పున్ను!

సోమవారం, 7 అక్టోబరు 2019 (18:04 IST)
టాలీవుడ్ నటి పునర్నవి భూపాలం మళ్లీ రియల్ లైఫ్‌లోకి వచ్చేసింది. బిగ్ బాస్ మూడో సీజన్‌లో 11 వారాల పాటు కొనసాగింది. చివరికి ఆదివారం ఎలిమినేట్ అయ్యింది. గాయకుడు రాహుల్ సిప్లిగంజ్‌తో ఆమె స్నేహం అనేక ఊహాగానాలకు తావిచ్చినా, ఎన్ని ప్రశ్నలు ఎదురైనా హుందాగా వ్యవహరించిన ఆమె తీరు అందరినీ ఆకట్టుకుంటోంది. ఇక, చాలారోజుల తర్వాత బాహ్య ప్రపంచంలోకి వచ్చిన పునర్నవి ఇన్‌స్టాగ్రామ్‌లో స్పందించింది.
 
"మళ్లీ మన లోకంలోకి వచ్చేశాను. బిగ్ బాస్ ఇంట్లో ఇదో అద్భుత ప్రయాణం. ప్రతిక్షణం ఆస్వాదించాలన్నదే నా అభిమతం. నా ప్రియమైన ఫ్యాన్స్‌కు కృతజ్ఞతలు. మీరు లేకుండా నేను లేను. ఆదరించిన అందరికీ ధన్యవాదాలు. మిమ్మల్ని ఎప్పటికీ ప్రేమిస్తూనే ఉంటాను. త్వరలోనే కోలుకుని అన్ని విషయాలతో లైవ్‌లోకి వస్తా" అంటూ తన పోస్టులో పేర్కొంది.
 
ఇదిలా ఉంటే.. ఆదివారం నాటి ఎపిసోడ్‌లో పునర్నవి ఎలిమినేట్ కావడంతో రాహుల్ దు:ఖ సాగరంలో మునిగిపోయాడు. వీడేండ్రా బాబూ.. మరీ ఇలా ఏడుస్తున్నాడు.. మరీ ఇంత డీప్‌గా పునర్నవిని నాగార్జున చెప్పినట్టుగానే లవ్ చేశాడా? అనే అనుమానాలు కలిగించాడు.
 
అయితే పునర్నవి మాత్రం హౌస్‌లో ఉన్నంత సేపు రాహుల్‌తో లవ్ ట్రాప్ నడిపినట్టుగానే వ్యవహరించి బిగ్ బాస్ స్టేజ్ మీదికి రాగానే.. ఏడ్చాడులే అన్నట్టుగానే ఉంది. పాపం రాహుల్ వెక్కి వెక్కి ఏడుస్తుంటే పిచ్చోడు మాదిరి ఉన్నాడే లైట్ తీస్కో రాహులా అన్నట్టుగా జోకులు వేసింది.

వెబ్దునియా పై చదవండి

తర్వాతి కథనం ''సైరా'' ప్రమోషన్స్‌కు ఎందుకు రాలేదంటే? నయనతార లీక్