'అయోగ్య'... అంతా మక్కీకి మక్కీ దింపేశారు...

గురువారం, 7 ఫిబ్రవరి 2019 (15:11 IST)
జూనియర్ ఎన్టీయార్ టెంపర్ గుర్తుందా?? యంగ్ టైగర్ ఎన్టీఆర్, డాషింగ్ డైరెక్టర్ పూరి జగన్నాథ్ కాంబినేషన్‌లో రూపొందిన చిత్రం ఎన్టీఆర్‌ని నటుడిగా మరొక మెట్టు ఎక్కేలా చేసింది. ఈ చిత్రం తెలుగులో సూపర్ హిట్ అయ్యింది. అంతేకాకుండా ఇతర భాషల్లోకి రీమేక్ అయ్యింది. ఇప్పటికే బాలీవుడ్‌లో సింబాగా సత్తా చాటిన టెంపర్ త్వరలో అయోగ్య పేరుతో కోలీవుడ్‌లోనూ సందడి చేయనుంది. 
 
అయితే ఈ సినిమాలో ఎన్టీఆర్‌కి బదులు హీరో విశాల్ నటిస్తున్నాడు. వెంకట్ మోహన్ దర్శకత్వంలో లైట్‌ హౌస్‌ మూవీ మేకర్స్‌ బ్యానర్‌పై తెరకెక్కుతున్న ఈ చిత్రంలో రాశీఖన్నా హీరోయిన్‌గా నటిస్తోంది. తాజాగా ఈ చిత్రం టీజర్ విడుదలయ్యింది. 
 
అయితే తెలుగు టెంపర్‌లో ఉన్నటువంటి లొకేషన్స్, యాక్షన్ సీన్స్, విలన్ ఇలా అన్నింటినీ అయోగ్య చిత్రంలో సేమ్ టు సేమ్ దింపేసారు. కథలో చాలా మార్పులు చేయబడ్డయని విశాల్ చెప్తున్నప్పటికీ టీజర్ చూస్తే మాత్రం అలాంటిది ఏమీ లేనట్లు కనిపిస్తోంది.

వెబ్దునియా పై చదవండి

తర్వాతి కథనం మగాళ్లకు అక్కడ అసహ్యంగా కనిపిస్తుంటుంది... యాంకర్ రష్మి బోల్డ్