వెరైటీ రోల్స్ చేయడంలో ముందుండే అందాల ముద్దుగుమ్మ అనుష్క.. ప్రస్తుతం నాగార్జున-దర్శకేంద్రుడు రాఘవేంద్రరావు కాంబోలో వస్తున్న నమో వేంకటేశాలో అమ్మవారుగా కనిపించనున్నట్లు ఫిలిమ్ నగర్ వర్గాల్లో వార్తలొస్తున్నాయి. అరుంధతి, రుద్రమదేవి, బాహుబలి, సైజ్ జీరో వంటి సినిమాల్లో వెరైటీ రోల్స్‌తో అనుష్క అదరగొట్టిన సంగతి తెలిసిందే. తాజాగా నాగార్జున సినిమాలో అమ్మవారిగా నటించేందుకు అమ్మడు ఓకే చెప్పేసింది.
ఇప్పటికే బాహుబలి 2లో అందాల సుందరిగా కనిపిస్తుందని టాక్ వస్తోంది. బాహుబలి భార్యగా కనిపించే అనుష్క యుద్ధ సన్నివేశాల్లో ఆకట్టుకోవడంతో పాటు అందాల రాశిగానూ కనిపించనుంది. మరోవైపు నాగ్ సినిమాలో అమ్మవారి గెటప్‌లోనూ అనుష్క అలరించనుంది. ఇకపోతే.. కంచె ఫేమ్ ప్రగ్యా జైశ్వాల్ నమో వేంకటేశలో కీలక రోల్ పోషించనుంది. ఈ సినిమాకు ఎ.మహేష్ రెడ్డి నిర్మాణ సారథ్యం వహించగా, కీరవాణి సంగీతం సమకూర్చారు.
