విక్ట‌రీ వెంక‌టేష్ - యువ స‌మ్రాట్ నాగ చైత‌న్యల కాంబినేష‌న్‌లో రూపొందుతోన్న భారీ మ‌ల్టీస్టార‌ర్ వెంకీ మామ. ఈ చిత్రానికి జై ల‌వ‌కుశ ఫేమ్ బాబీ ద‌ర్శ‌క‌త్వం వ‌హిస్తున్నారు. ప్ర‌స్తుతం షూటింగ్ చివ‌రి ద‌శ‌లో ఉంది.
సురేష్ ప్రొడ‌క్ష‌న్స్, పీపుల్ మీడియా ఫ్యాక్ట‌రీ సంయుక్తంగా నిర్మిస్తున్నాయి. ఈ మూవీ గురించి ఓ ఇంట్ర‌స్టింగ్ న్యూస్ ఒకటి బ‌య‌ట‌కు వ‌చ్చింది. అదే వెంకీ మామ సినిమాకి రెండు క్లైమాక్స్‌లు ప్లాన్ చేస్తుండ‌డం.
వెంకీమామ మూవీ క్లైమాక్స్ ఎలా ఉండాలి? అనే అంశం పై ముందుగా మనసు కదిలించే భావోద్వేగాలతో క్లైమాక్స్ రెడీ చేశారట. కానీ వినోదం కోరుకునే ప్రేక్షకులు దీన్ని అంగీకరిస్తారా? లేదా? అనే సందేహం రావడంతో డైరెక్టర్ బాబీ మరో క్లైమాక్స్‌ను కూడా హ్యాపీ ఎండింగ్‌తో సిద్ధం చేశారని తెలిసింది.
అయితే రెండు క్లైమాక్స్‌లు తీశాక ప్రొడ్యూసర్ సురేష్ బాబు జడ్జిమెంట్ ప్రకారం ఏదో ఒకటి ఫైనల్ అవుతుంది.
ఒకటి సాడ్ ఎండింగ్ కాగా.. మ‌రొక‌టి హ్యాపీ ఎండింగ్. మ‌రి... సురేష్ బాబు ఏ నిర్ణ‌యం తీసుకుంటారో.. క్లైమాక్స్ ఎలా ఉంటుందో అనేది ఆస‌క్తిగా మారింది.
