Select Your Language

Notifications

webdunia
webdunia
webdunia
webdunia
Advertiesment

హిజ్రాగా నటిస్తున్న అమితాబ్ బచ్చన్

హిజ్రాగా నటిస్తున్న అమితాబ్ బచ్చన్
, సోమవారం, 29 ఏప్రియల్ 2019 (12:48 IST)
స్టార్ ఇమేజ్ ఉన్న పెద్ద నటుడు సినిమాలో హిజ్రా పాత్ర వేస్తే అది షాకింగ్‌గానే ఉంటుంది. ఇలాంటి సాహసమే బాలీవుడ్ మెగాస్టార్ అమితాబ్ బచ్చన్ చేయబోతున్నట్లు సమాచారం. దక్షిణాదిన మోస్ట్ సక్సెస్ ఫుల్ హార్రర్ కామెడీ సిరీస్ మునిలో వచ్చిన రెండో సినిమా కాంచనను హిందీలో రీమేక్ చేయబోతున్న విషయం తెలిసిందే. 
 
ఈ సినిమా డైరెక్టర్ రాఘవనే హిందీ సినిమాకు కూడా దర్శకత్వం వహించబోతున్నాడు. కాంచనలో హిజ్రాగా శరత్ కుమార్ పోషించిన పాత్రను అమితాబ్ బచ్చన్ చేస్తుండటం విశేషం. అయితే ఏదేమైనా అమితాబ్ మాత్రం తన ఫ్రెంచ్ గడ్డాన్ని తీయడానికి ఇష్టపడడు. కానీ ఈ పాత్ర కోసం తీయవలసి వస్తుంది. మరి అమితాబ్ ఏం చేస్తాడో చూడాలి. 
 
అమితాబ్ ఈ పాత్రకు ఒప్పుకుంటే ఆ సినిమాకు అంతకంటే క్రేజ్ మరొకటి ఉండదు. మరోపక్క లారెన్స్‌కి ఈ సినిమా తీసే ఛాన్స్ రావడం తన కెరీర్‌లోనే చెప్పుకోదగ్గ విషయం. కాంచనలో లారెన్స్ చేసిన పాత్ర హిందీలో అక్షయ్ కుమార్ చేయబోతున్నాడు. లారెన్స్‌కి హిందీ రాకపోయినా అక్షయ్ కుమార్ పట్టుబట్టి లారెన్స్‌తో డైరెక్షన్ చేయిస్తున్నాడు. 
 
అక్షయ్‌కు జోడీగా కియారా అద్వానీ నటించనుంది. ఈ చిత్రానికి హిందీలో లక్ష్మీబాంబు అనే పేరు కూడా ఖరారు చేశారు. బాలీవుడ్ స్టైల్‌కి తగినట్లుగా కొద్దిగా క్లాస్ టచ్‌ని జోడించి సినిమాను రీమేక్ చేయబోతున్నారు. కథలో కూడా కొన్ని మార్పులు చేర్పులు చేస్తున్నారు. భారీ బడ్జెట్‌తో రిచ్‌గా ఈ సినిమాను తెరకెక్కించడానికి సన్నాహాలు జరుగుతున్నాయి.

Share this Story:

Follow Webdunia telugu

తర్వాతి కథనం

పెళ్లిపీటలెక్కిన ఢీ డ్యాన్స్ మాస్టర్... ఎనిమిదేళ్ల ప్రేమ