అల్లు అర్జున్ - కె.సుకుమార్ కాంబినేషన్‌లో ఎర్రచందనం బ్యాక్‌డ్రాప్‌లో 'పుష్ప : ది రైజ్' పేరుతో తొలి భాగం తెరకెక్కింది. ఈ చిత్రం డిసెంబరు 17వ తేదీ శుక్రవారం ప్రపంచ వ్యాప్తంగా విడుదలవుతుంది. తెలుగు, తమిళం, కన్నడ, మలయాళం, హిందీ భాషల్లో నిర్మించి రిలీజ్ చేస్తున్నారు. అయితే, ఈ చిత్రం ప్రమోషన్ కార్యక్రమాల్లో భాగంగా హైదరాబాద్ నగరంలో జరిగిన ఓ కార్యక్రమంలో చిత్ర బృందం పాల్గొంది.
ఇందులో దర్శకు కె.సుకుమార్ పాల్గొని మాట్లాడుతూ, బన్నీ అభిమానులే కాదు ప్రతి ఒక్కరూ మెచ్చే చిత్రంలా పుష్ప ఉంటుందన్నారు. మొదటి భాగానికి "పుష్ప : ది రైజ్" అని పేరు పెడితే, రెండో భాగానికి "పుష్ప : ది రూల్" అనే టైటిల్‌ను ఖరారు చేయనున్నట్టు చెప్పారు.
ప్రస్తుతం ఈ చిత్రం టైటిల్ సోషల్ మీడియాలో ట్రెండింగ్‌లో వుంది. పుష్ప ది రైజ్‌తోనే మాస్ ప్రేక్షకులను ఉర్రూతలూగిస్తున్న బన్నీ పుష్ప రెండో భాగంలో తన రూలింగ్‌తో మరింత డోస్ పెంచే అవకాశాలు లేకపోలేదు.
