టాలీవుడ్‌లో లెక్కల మాస్టారుగా గుర్తింపు పొందిన కె. సుకుమార్ దర్శకత్వం వహిస్తున్న చిత్రం "పుష్ప". ఎర్రచందనం స్మగ్లింగ్ ఇతివృత్తంగా చేసుకుని ఈ చిత్రాన్ని తెరకెక్కిస్తున్నారు. ఇందులో స్టైలిష్ స్టార్ అల్లు అర్జున్ నటిస్తున్నారు. ఈ చిత్రం షూటింగ్ ప్రస్తుతం కేరళలో జరుగుతోంది. ఈ సినిమాలో ర‌ష్మిక హీరోయిన్‌గా న‌టిస్తోంది. మైత్రీమూవీ మేకర్స్‌ పతాకంపై ఈ చిత్రాన్ని నిర్మిస్తున్నారు.
కాగా, ఈ చిత్రం షూటింగ్ కోసం బన్నీ కేర‌ళ‌కు వెళ్తుండ‌గా ఆయ‌న కూతురు అర్హ చేసిన వ్యాఖ్య‌లు వైర‌ల్ అవుతున్నాయి. ఇందుకు సంబంధించిన వీడియోను బన్నీ పోస్ట్ చేశాడు.
ఇందులో బన్నీ కుమార్తె అల్లు అర్హ ‘బెండకాయ, దొండకాయ, నువ్వు నా గుండెకాయ’ అంటూ బన్నీకి చెప్పింది. ‘ఐ మిస్‌ యూ అర్హ’ అంటూ అల్లు అర్జున్ త‌న ఇన్‌స్టాగ్రామ్ స్టోరీస్‌లో పోస్ట్ చేశాడు.
