అఖిల్ అక్కినేని, పూజా హెగ్డే జంటగా న‌టించిన సినిమా ‘మోస్ట్ ఎలిజిబుల్ బ్యాచ్‌లర్`. ఇటీవ‌లే అందులో లెహరాయీ’ లిరికల్ సాంగ్ విడుద‌లై అనూహ్య స్పందన ల‌భించింద‌ని చిత్ర యూనిట్ చెబుతోంది. ఇన్ని నాళ్ళు ఎంత ఎంత వేచాయి.. కళ్లలోనే దాగి ఉన్న అమ్మాయి.. సొంతమల్లే చేరుతుంటే ప్రాణమంత చెప్పలేని హాయీ..` అనే పాట‌లో ఇద్ద‌రూ చేసిన రొమాన్స్ అదిరిపోయింద‌ని దర్శకుడు భాస్కర్ తెలియ‌జేస్తున్నారు. వారిద్ద‌రి మ‌ధ్య కెమిస్ట్రీ అద్భుతంగా పండింద‌ని పేర్కొన్నాడు.
అల్లు అరవింద్ సమర్పణలో బొమ్మరిల్లు భాస్కర్ తెరకెక్కిస్తున్న రొమాంటిక్ ఫ్యామిలీ ఎంటర్‌టైనర్ మోస్ట్ ఎలిజిబుల్ బ్యాచ్‌లర్. బన్నీ వాసు, దర్శకుడు వాసు వర్మతో కలిసి సంయుక్తంగా నిర్మిస్తున్నారు. ఇప్పటికే విడుదలైన ఈ సినిమా టీజర్, పాటలకు అద్భుతమైన రెస్పాన్స్ వస్తోంది. తాజాగా విడుదలైన లిరికల్ సాంగ్ సిద్ శ్రీరామ్ చ‌క్క‌గా ఆల‌పించారు. కాగా, ఈ సినిమా ఆడియో ఆదిత్య మ్యూజిక్ ద్వారా మార్కెట్లోకి విడుదల కానుంది. ఈ సినిమాను అక్టోబర్ 8న విడుదల చేయనున్నట్లు ప్రకటించారు యూనిట్. త‌న చిత్రాల్లోని పాత్ర‌ల్ని చాలా క్యూట్ రొమాన్స్‌తో ల‌వ్ లీగా వుండేలా డిజైన్ చేస్తారు దర్శకుడు భాస్కర్. ఇప్పుడు మోస్ట్ ఎలిజిబుల్ బ్యాచ్‌లర్ సినిమాలో కూడా అన్ని పాత్రలను అలాగే డిజైన్ చేస్తున్నారు. గోపీ సుంద‌ర్ సంగీతం స‌మ‌కూర్చారు....
