Select Your Language

Notifications

webdunia
webdunia
webdunia
webdunia
Advertiesment

డ్రీమ్ వారియర్స్ బేన‌ర్‌లో ఫర్హానాగా ఐశ్వర్య రాజేష్‌

Farhana, Aishwarya Rajesh
, గురువారం, 6 అక్టోబరు 2022 (11:49 IST)
Farhana, Aishwarya Rajesh
డ్రీమ్ వారియర్ పిక్చర్స్ తమిళ చిత్ర పరిశ్రమలో వెండితెరకు చిరస్మరణీయమైన కథలను ఎంచుకుని, నిర్మించే ప్రధాన సంస్థల్లో ఒకటి. 'తీరన్ అధిగారమ్ ఒండ్రు', 'అరువి', 'ఖైదీ' వంటి చిత్రాలు వారు నిర్మించిన కొన్ని రత్నాలు. ఈ నేపథ్యంలో కంపెనీ తమ తదుపరి చిత్రాన్ని ప్రకటించింది.
 
'ఒరు ​​నాల్ కూతు', 'రాక్షసుడు' వంటి విలక్షణమైన కథాంశాలను తెరకెక్కించిన నెల్సన్ వెంకటేశన్ దర్శకత్వంలో ఐశ్వర్య రాజేష్ కథానాయికగా నటిస్తోంది. బలమైన కథాంశాలకు ప్రాధాన్యతనిస్తూ చిత్రాలను ఎంచుకునే ఐశ్వర్య రాజేష్ ఇంతకుముందు చేయని పాత్రలో నటించింది. ఈ చిత్రంలో దర్శకుడు సెల్వరాఘవన్, జితన్ రమేష్, కిట్టి, అనుమోల్, ఐశ్వర్యదత్తా సహా నటీనటులు కీలక పాత్రలు పోషించారు.
 
ఈ చిత్రానికి 'ఫర్హానా' అనే పేరు పెట్టారు. జస్టిన్ ప్రభాకరన్ సంగీతం అందిస్తున్న ఈ చిత్రానికి పన్నయ్యరుమ్ పద్మినియుమ్, మాన్స్టర్, రచ్చసి వంటి చిత్రాలలో తన విజువల్స్‌తో తనదైన ముద్ర వేసిన గోకుల్ బెనోయ్ సినిమాటోగ్రాఫర్. జాతీయ అవార్డు గ్రహీత సాబు జోసెఫ్ ఎడిటర్.
 
ప్రముఖ కవి, రచయిత మనుష్యపుత్రన్‌ ఈ చిత్రానికి డైలాగ్స్‌ రాశారు. రచయితలు శంకర్ దాస్ మరియు రంజిత్ రవీంద్రన్ స్క్రీన్ ప్లే కోసం దర్శకుడు నెల్సన్‌తో కలిసి పనిచేశారు. శివశంకర్ ఆర్ట్ డిపార్ట్‌మెంట్ ఇన్‌ఛార్జ్‌గా ఉన్నారు.
 
ఈ సినిమా షూటింగ్ కంప్లీట్ అయి పోస్ట్ ప్రొడక్షన్ పనులు శరవేగంగా జరుగుతున్నాయి. అక్టోబర్ 7న 'ఫర్హానా' ఫస్ట్ సాంగ్ విడుదల కాబోతుంది.. తెలుగులోనూ విడుద‌ల కాబోతుంది. తప్పకుండా ఈ సాంగ్ అందరినీ ఆకట్టుకుంటుందని టీమ్ నమ్మకంగా ఉంది. త్వరలోనే ఈ సినిమా ప్రేక్షకుల ముందుకు రానుంది.

Share this Story:

Follow Webdunia telugu

తర్వాతి కథనం

ఢిల్లీలో ద‌స‌రా జ‌రుపుకున్న ప్ర‌భాస్‌, నేడు హైద‌రాబాద్‌లో ఆదిపురుష్ 3డి టీజ‌ర్‌