బొమ్మరిల్లు హీరోయిన్, అందాల ముద్దుగుమ్మ జెనీలియా సోషల్ మీడియాలో చాలా యాక్టివ్ అనే సంగతి తెలిసిందే. జెనీలియా-రితేష్‌లకు 2012లో వివాహం కాగా, వారికి రాయస్‌, రాహిల్‌ అనే ఇద్దరు పిల్లలు ఉన్నారు. ఇంట్రెస్టింగ్ వీడియోస్, ఫొటోలు షేర్ చేస్తూ ఎంటర్‌టైన్ చేసే జెనీలియా రీసెంట్‌గా తన భర్త రితేష్ దేశ్‌ముఖ్ తన ముందే ప్రీతి జింతా చేతులు ముద్దుపెడుతున్నట్టుగా వీడియో రూపొందించింది.
అంతటితో ఆగిందో నా ముందే వేరే అమ్మాయికి ముద్దు పెడతావా అంటూ ఇంటికొచ్చాక పిడిగుద్దులు గుద్దింది. దీనికి సంబంధించిన వీడియోను సోషల్ మీడియాలో షేర్ చేయగా ఫుల్ వైరల్ అయింది. జెనీలియా తన భర్తతో కలిసి రూపొందించిన ఫన్నీ వీడియోపై పలువురు నెటిజన్స్ కూడా సరదాగా స్పందించారు.
తాజాగా ప్రీతి జింతా తన ఇన్‌స్టాగ్రామ్‌లో ఆ వీడియో షేర్ చేస్తూ.. ఫన్నీగా ఉంది. జెనీలియా, రితేష్ ఇలాంటి వీడియోలు మరిన్ని మా ముందుకు తీసుకురండి. లవ్ యూ బోత్ అంటూ కామెంట్ పెట్టింది. కాగా, జెనీలియా- రితేష్‌ల వీడియోపై నటులు టైగర్‌ ష్రాఫ్‌, మాధురి దీక్షిత్, సంజయ్ కపూర్ సహా పలువురు ప్రముఖులు స్పందించారు.
