నాగార్జున మేనకోడలు.. ''గూఢచారి''లో దుమ్ములేపింది.. ఇక ఛాన్సుల వెల్లువ?
''క్షణం'' తర్వాత అడివి శేష్ హీరోగా నటించిన చిత్రం ''గూఢచారి''. సొంతంగా రాసుకున్న కథతో గూఢచారిని అడివి శేష్ తెరకెక్కించారు. భారీ అంచనాల నడుమ శుక్రవారం ప్రపంచ వ్యాప్తంగా విడుదలైంది. ఈ సినిమా ఓవర్సీస్‌ల్
''క్షణం'' తర్వాత అడివి శేష్ హీరోగా నటించిన చిత్రం ''గూఢచారి''. సొంతంగా రాసుకున్న కథతో గూఢచారిని అడివి శేష్ తెరకెక్కించారు. భారీ అంచనాల నడుమ శుక్రవారం ప్రపంచ వ్యాప్తంగా విడుదలైంది. ఈ సినిమా ఓవర్సీస్‌ల్లోనే కాకుండా మనదేశంలో ఈ సినిమా పాజిటివ్ టాక్‌ను సొంతం చేసుకుంది.
ట్విట్టర్ ద్వారా ప్రేక్షకులు ''గూఢచారి'' ఓ స్పై థ్రిల్లర్ అంటూ కామెంట్స్ చేశారు. ఈ సినిమాలో అక్కినేని నాగార్జున మేనకోడలు సుప్రియ నటించింది. ఆమె నటనపై కూడా ప్రస్తుతం ప్రశంసలు వెల్లువెత్తుతున్నాయి.
గతంలో 'అక్కడ అమ్మాయి ఇక్కడ అబ్బాయి' సినిమా ద్వారా నాగార్జున మేనకోడలు సుప్రియ పరిచయమైన సంగతి తెలిసిందే. ఆ సినిమా మంచి వసూళ్లనే సాధించినా, ఆ తరువాత ఆమె మరో సినిమా చేయలేదు. మళ్లీ ఇంతకాలానికి సుప్రియ.. గూఢచారి సినిమాలో ఒక కీలకమైన పాత్రను పోషించింది. రా ఆఫీసర్ నదియా ఖురేషి పాత్రలో సుప్రియ కనిపించింది.
ఆమె పవర్ఫుల్ పాత్రలో ప్రేక్షకులను కట్టిపడేసింది. చాలా సహజంగా, అద్భుతంగా నటించి అందరినీ ఆకట్టుకుంది. గూఢచారిలో దుమ్మురేపిన సుప్రియకు అవకాశాలు ఇక వెతుక్కుంటూ వస్తాయని సినీ పండితులు జోస్యం చెప్తున్నారు.
