చాలా గ్యాప్ తరువాత తెలుగు సినిమా వినయ విధేయ రామలో నటించారు సినీ నటి స్నేహ. తమిళం.. మలయాళం సినిమాల్లో ఎక్కువగా నటిస్తూ తెలుగు సినిమాలకు దూరంగా ఉంటూ వచ్చారు స్నేహ. అయితే చిరంజీవి కుమారుడు రామ్ చరణ్‌తో నటించిన స్నేహ కొన్ని ఆసక్తికర వ్యాఖ్యలు చేశారు.
రామ్ చరణ్ నన్ను సొంత అక్కలా చూసుకునేవారు. సినిమా షూటింగ్‌లో ఎప్పుడు బిజీగా ఉండే చరణ్ తీరిక దొరికితే అందరిని ఆప్యాయంగా పిలిచేవారు. ఒకరోజు ఉన్నట్లుండి అక్కా... ఇంటికి రండి అని అడిగారు. నాకు ఏం అర్థం కాలేదు. నా భర్తతో కలిసి భోజనం చేసేందుకు రమ్మన్నారు. మా నాన్న చిరంజీవిని మీకు పరిచయం చేస్తానని కూడా చెప్పడంతో త్వరలోనే రాంచరణ్ ఇంటికి వెళ్ళి అందరినీ కలుస్తానని ట్విట్టర్ వేదికగా ట్వీట్ చేశారు స్నేహ.
