బాలీవుడ్‌లో విషాదం చోటుచేసుకుంది. బిగ్బాస్ సీజన్‌ 13 విజేత, బుల్లితెర నటుడు సిద్ధార్థ్ శుక్లా కన్నుమూశారు. ఆకస్మిక గుండెపోటుతో గురువారం మృతి చెందారు. శుక్లా మరణాన్ని ముంబైలోని కూపర్‌ ఆసుపత్రి ధృవీకరించింది.
సిద్ధార్థ్ హఠాన్మరణం బాలీవుడ్‌ను కుదిపేస్తోంది. 40 ఏళ్ళకే నటుడు గుండెపోటుతో మృతి చెందడం షాక్‌కు గురిచేస్తోంది. కాగా సిద్ధార్థ్‌కు తల్లి, ఇద్దరు సోదరీమణులు ఉన్నారు.
బాలీవుడ్ లో పలు చిత్రాల్లో నటించిన సిద్ధార్ధ్ ప్రేక్షకుల మనసు దోచుకున్నాడు. బుల్లితెరపై ఎంట్రీ ఇచ్చిన సిద్దార్థ్ తన నటనతో ఎంతోమంది ప్రేక్షకులను ఆకట్టుకున్నాడు.
హిందీలో బాలిక వదు అలియాస్ చిన్నారి పెళ్లి కూతురు సీరియల్‌లో హీరోగా సిద్దార్ధ్ శుక్లా నటించి తెలుగు ప్రేక్షకులకు దగ్గరయ్యాడు. గత సంవత్సరం 2019 - 2020 లో బిగ్ బాస్-13 సీజన్‌లోకి అడుగుపెట్టి విజేతగా నిలిచాడు. దీంతో సిద్దార్ధ్ శుక్లాకు వరుస సినిమా అవకాశాలు, వెబ్ సిరీస్ అవకాశాలు వచ్చాయి.
అయితే ఇటీవలే సిద్ధార్ధ్ నటించిన బ్రోకెన్ బట్ బ్యూటిఫుల్ 3 వెబ్ సిరీస్ విడుదలై ఆకట్టుకుంది. కిస్కి దుల్హనియా, బిజినెస్ ఇన్ రైతు బజార్ సినిమాల్లో సిద్దార్ధ్ శుక్లా నటించారు.
