బాలీవుడ్ మిస్టర్ పర్ఫెక్ట్ అమీర్ ఖాన్ నిజ జీవితంలో రెండు సార్లు విడాకులు తీసుకున్నాడు. ఇద్దరు భార్యలకు విడాకులు ఇచ్చి ప్రస్తుతం సింగిల్‌గా ఉంటున్నాడు. ఇప్పటివరకు విడాకులపై నోరువిప్పని అమీర్ తాజాగా ఒక ఇంటర్వ్యూలో తన ఇద్దరు మాజీ భార్యల గురించి చెప్పుకొచ్చాడు.
ప్రపంచం దృష్టిలో తాము విడాకులు తీసుకున్నామని అమీర్ ఖాన్ తెలిపాడు. అది ప్రజలు వేరేలా అర్ధం చేసుకోవచ్చు. ఎందుకంటే ఏ భార్యాభర్తలైనా విడాకుల తరువాత ఒకరి గురించి ఒకరు పట్టించుకోరు. కానీ, తాము అలా కాదు.
తాము వివాహ వ్యవస్థకు గౌరవం ఇస్తాము. అందుకే విడాకుల ముందే అన్ని చర్చించుకొని విడిపోయాం.. స్నేహితుల్లా ఉండాలనుకున్నాం.. అలాగే ఉంటున్నాం.. ఇప్పటికీ మా ఇద్దరు మాజీ భార్యలతో తాను మాట్లాడతాను.
వారితో తనకు ఇప్పటికీ మంచి అనుబంధం ఉండటం తన అదృష్టం. పిల్లల బాధ్యతలోనూ కలిసికట్టుగా నిర్ణయాలు తీసుకుంటాం" అని చెప్పుకొచ్చాడు.
కాగా అమీర్ .. 1986లో రీనా దత్తాను వివాహం చేసుకున్నాడు. కొన్ని విభేదాల కారణంగా 2002 లో రీనాకు విడాకులిచ్చాడు అమీర్.. ఆ తరువాత 2005లో అమీర్ ఖాన్ కిరణ్‌ రావును పెళ్లాడారు. 15ఏళ్ల వైవాహిక బంధం అనంతరం ఈ జంట విడిపోయిన సంగతి తెలిసిందే.
