తమిళ ఐటమ్ గర్ల్, హాట్ బ్యూటీ అల్ఫోన్సా ఆత్మహత్యాయత్నానికి పాల్పడింది. నిద్ర మాత్రలను ఎక్కువ మొత్తంలో తీసుకున్న అల్ఫోన్సా ఆత్మహత్యకు పాల్పడటం కోడంబాక్కం వర్గాల్లో హాట్ న్యూస్‌గా మారింది.
రజనీకాంత్ నటించిన "బాషా", విక్రమ్ నటించిన "దిల్", కమల్ హాసన్ నటించిన "పంచతంత్రం" వంటి అగ్రనాయకుల సినిమాల్లో హాట్ తారగా ఓ వెలుగు వెలిగిన అల్ఫోన్సా.. ఆత్మహత్యాయత్నానికి గల కారణాలేంటో ఆరా తీస్తే.. అల్ఫోన్సా వివాహిత ప్రియుడు వినోద్ కుమార్ ఆదివారం రాత్రి చెన్నైలోని విరుగంబాక్కంలోని ఓ ఇంట్లో ఆత్మహత్య చేసుకున్నాడు.
దీనికి సంబంధించి పోలీసు శాఖ దర్యాప్తు జరుపుతున్న నేపథ్యంలో, అల్ఫోన్సా ఉన్నట్టుండి నిద్రమాత్రలు ఎక్కువగా తీసుకుని ఆత్మహత్యాయత్నానికి పాల్పడింది. దీంతో ఇంట్లో స్పృహతప్పి పడిపోయిన అల్ఫోన్సాను సమీపంలోని ఓ ప్రైవేట్ ఆస్పత్రికి తరలించి, చికిత్స అందిస్తున్నారు. ప్రియుడు ఆత్మహత్య చేసుకోవడంతో మనస్తాపానికి గురైన అల్ఫోన్సా ఆత్మహత్యాయత్నం చేయడం కోడంబాక్కం వర్గాల్లో చర్చనీయాంశమైంది.
