బట్టల షాపుల్లో వ్యాపారం ఎక్కువైతే డిస్కౌంట్‌లు ఇస్తుంటారు. ఆశపడి కస్టమర్లు కొనుక్కుంటారు. ఇప్పుడు నటి నమిత కూడా అలాంటి ఆఫర్ ఇస్తుంది. తనకు నచ్చిన పాత్ర ఇస్తే.. పారితోషికం తగ్గించుకుటానని చెబుతుంది. ఇంతకీ ఏమిటా ఆ పాత్ర అంటే, సిల్క్‌స్మిత పాత్రను చేయాలనుందట.
అప్పట్లో శృంగార తారగా పేరుపొందిన సిల్క్‌స్మిత నేపథ్యంలో హిందీ 'డర్టీపిక్చర్స్‌' ఏక్తా కపూర్‌ తీసింది. ఇప్పుడు ఆ చిత్రాన్ని తెలుగు, తమిళ భాషల్లో తీయాలని ఆలోచిస్తున్నారు. ఈవార్త విన్న నమిత.. ఆ పాత్రకు నేనే కరెక్ట్‌ అనిపిస్తుందని స్టేట్‌మెంట్‌ ఇచ్చింది. సెక్సీగానే కాదు హావభావాలు ఆమెలా చేయగలనని చెబుతుంది. మరి ఏక్తాకపూర్‌ ఏమంటుందో చూడాలి.
