'సుచీలీక్స్' గాయని సుచీ ఎక్కడ...? పవన్ ఆ సాహసం చేయగలరా?
సుచీ లీక్స్ అనగానే గాయని సుచిత్ర గుర్తొచ్చేస్తుంది. కోలీవుడ్ ఇండస్ట్రీలోని నగ్న నిజాలను అలాగే సోషల్ మీడియాలో పోస్ట్ చేసి సంచలనం సృష్టించింది. ఆ తర్వాత ఆమె మానసిక స్థితి దెబ్బతిన్నదని, విదేశాలకు వెళుతోందంటూ వ్యవహారం ముగించారు. కానీ అసలు సుచిత్ర ఎక్కడ
సుచీ లీక్స్ అనగానే గాయని సుచిత్ర గుర్తొచ్చేస్తుంది. కోలీవుడ్ ఇండస్ట్రీలోని నగ్న నిజాలను అలాగే సోషల్ మీడియాలో పోస్ట్ చేసి సంచలనం సృష్టించింది. ఆ తర్వాత ఆమె మానసిక స్థితి దెబ్బతిన్నదని, విదేశాలకు వెళుతోందంటూ వ్యవహారం ముగించారు. కానీ అసలు సుచిత్ర ఎక్కడ వున్నారన్నది సస్పెన్సుగా వుంది. ఆమె గురించి మీడియా కూడా పెద్దగా పట్టించుకోవడంలేదు. కొంతకాలం సుచీలీక్స్ పేరిట రచ్చ చేసిన గాయని ఇపుడు ఎక్కడ వుందన్నది మాత్రం తెలియరావడంలేదు.
ఇకపోతే ఆ లీక్స్‌లో బయటకొచ్చిన సంగీత దర్శకుడు అనిరుధ్ మాత్రం అవకాశాలను చేజిక్కించుకుంటూ ముందుకు వెళుతున్నాడు. తాజాగా పవన్ కళ్యాణ్ -త్రివిక్రమ్ కాంబినేషన్లో రాబోయే చిత్రానికి అనిరుధ్ సంగీతం వహించనున్నారనే వార్త టాలీవుడ్ ఇండస్ట్రీలో హల్చల్ చేస్తోంది. ఐతే ఈ వార్తే నిజమైతే అనిరుధ్‌కు అవకాశం ఇచ్చినట్లే సుచిత్రకు కూడా ఇచ్చే సాహసం పవన్ కళ్యాణ్ చేస్తారా అనే మాటలు వినిపిస్తున్నాయి. చూద్దాం... పవర్ స్టార్ స్టెప్ ఏంటో?
