స్టైలీష్ స్టార్ అల్లు అర్జున్ - క్రియేటీవ్ డైరెక్టర్ సుకుమార్ కాంబినేషన్లో ఆర్య, ఆర్య 2 సినిమాలు రూపొందిన విషయం తెలిసిందే. వీరిద్దరి కాంబినేషన్లో రూపొందుతోన్న తాజా చిత్రం పుష్ప. ఈ మూవీని మైత్రీ మూవీ మేకర్స్ సంస్థ నిర్మిస్తుంది. ఆల్రెడీ ఫస్ట్ షెడ్యూల్ కంప్లీట్ చేసుకుంది.
అయితే... సెకండ్ షెడ్యూల్ స్టార్ట్ చేయడానికి రెడీ అవుతున్న తరుణంలో కరోనా వచ్చి పడింది. అంతే... షూటింగ్స్ అన్నీ క్యాన్సిల్ అయ్యాయి. దీంతో పుష్ప షూటింగ్ కి బ్రేక్ పడింది. కేరళలో ప్లాన్ చేసిన షెడ్యూల్ రాజమండ్రికి షిప్ట్ చేసారు. జాగ్రత్తలు తీసుకుని షూటింగ్ చేయాలి అనుకున్నారు కానీ కుదరలేదు.
ఇక అసలు విషయానికి వస్తే... బన్నీ సరసన ఈ సినిమాలో క్రేజీ హీరోయిన్ రష్మిక నటిస్తుంది. అయితే.. ముందుగా ఈ సినిమాలో బన్నీసరసన సమంత అయితే బాగుంటుంది అనుకున్నారట. అనుకోవడమే కాకుండా.. సమంతను అప్రోచ్ అవ్వడం కూడా జరిగిందట. గతంలో బన్నీ, సమంత కలిసి సన్నాఫ్ సత్యమూర్తి సినిమాలో నటించారు. అయితే.. వేరే సినిమాలో బిజీగా ఉండడం వలనో మరో కారణం చేతనో కానీ.. ఈ సినిమాలో నటించేందుకు సమంత నో చెప్పిందట. అప్పుడు రష్మికను ఎంపిక చేసారని టాలీవుడ్ టాక్.
