చిరంజీవి "ఉయ్యాలవాడ నరసింహారెడ్డి" సినిమాలో విలన్ ఇతడేనా?
మెగాస్టార్ చిరంజీవి సినిమాల రీఎంట్రీ గ్రాండ్ సక్సెస్ అయింది. ఈ ఏడాది సంక్రాంతికి వచ్చిన "ఖైదీ నెం.150" చిరు సినిమాలల్లో అత్యధిక వసూళ్లు సాధించిన సినిమాగా నిలిచింది. ఇక తదుపరి చిత్రం "ఉయ్యాలవాడ నరసింహారెడ్డి"పై అంచనాలు తారా స్థాయికి చేరుకున్నాయి. అందు
మెగాస్టార్ చిరంజీవి సినిమాల రీఎంట్రీ గ్రాండ్ సక్సెస్ అయింది. ఈ ఏడాది సంక్రాంతికి వచ్చిన "ఖైదీ నెం.150" చిరు సినిమాలల్లో అత్యధిక వసూళ్లు సాధించిన సినిమాగా నిలిచింది. ఇక తదుపరి చిత్రం "ఉయ్యాలవాడ నరసింహారెడ్డి"పై అంచనాలు తారా స్థాయికి చేరుకున్నాయి. అందులో చిరు స్వాతంత్య్ర సమరయోధుడిలా నటించనున్నాడు. ఈ సినిమా కోసం నటీనటుల ఎంపిక కూడా ఎప్పటికప్పుడు హాట్ టాపిక్ అవుతోంది.
తాజాగా హీరోకి పోటాపోటీగా నటించగల మరో హీరోని విలన్‌గా ఎంపిక చేసుకున్నట్లు సమాచారం. అతడు మరెవరో కాదు, 2012 సంవత్సరంలో వచ్చిన "ఈగ" సినిమాలో తన విలనిజంతో ప్రేక్షకులను ఆకట్టుకున్న కన్నడ నటుడు "సుదీప్". బాహుబలి-ది బిగినింగ్ సినిమాలోనూ ఇతడు కనిపించాడు.
ఇక ఇప్పుడు చిరుకి ప్రత్యర్థిగా నటిస్తున్నాడంటే, సినిమాపై అంచనాలను పెంచాయనడంలో ఎలాంటి సందేహం లేదు. మరోపక్క బిగ్‌బీ అమితాబ్ కూడా ఈ చిత్రంలో కీలక పాత్ర పోషిస్తున్నట్లు ఇప్పటికే వెల్లడైంది. ఇక ఈ సినిమా షూటింగ్ ఎప్పుడు మొదలై, రిలీజు ఎప్పుడు అవుతుందోనని అభిమానులు నిరీక్షిస్తున్నారు.
