'స్పైడర్‌'లో 8 మినిట్స్ ఫైట్ కోసం రూ.20 కోట్లు ఖర్చు

ప్రిన్స్ మహేష్ బాబు హీరోగా దర్శకుడు మురుగదాస్ దర్శకత్వంలో నిర్మితమవుతున్న చిత్రం 'స్పైడర్'. ఈ చిత్రంలోని ఓ ఫైట్ కోసం ఏకంగా రూ.20 కోట్లను ఖర్చు చేసినట్టు సమాచారం. ఈ న్యూస్ ఇపుడు టాలీవుడ్, కోలీవుడ్ చిత్

ప్రిన్స్ మహేష్ బాబు హీరోగా దర్శకుడు మురుగదాస్ దర్శకత్వంలో నిర్మితమవుతున్న చిత్రం 'స్పైడర్'. ఈ చిత్రంలోని ఓ ఫైట్ కోసం ఏకంగా రూ.20 కోట్లను ఖర్చు చేసినట్టు సమాచారం. ఈ న్యూస్ ఇపుడు టాలీవుడ్, కోలీవుడ్ చిత్రపరిశ్రమల్లో చర్చనీయాంశంగా మారింది. 

కాగా, ఈ చిత్రంలో మహేష్ పోలీస్ గూఢచారి పాత్రలో నటిస్తున్నారు. సస్పెన్స్, థ్రిల్లర్ అంశాల మేళవింపుతో నిర్మితవుతోంది. ఇటీవలే మహేష్‌బాబు, ప్రతినాయకుడు ఎస్.జె.సూర్య మధ్య ఓ పోరాట ఘట్టాల్ని తెరకెక్కించారు. 8 నిమిషాల పాటు సాగే ఈ ఎపిసోడ్ సినిమాకు ప్రధానాకర్షణగా నిలుస్తుందని చిత్ర బృందం చెబుతున్నది. 

కథాగమనంలో కూడా ఈ ఫైట్ సీక్వెన్స్ కీలక మలుపుగా ఉంటుందని తెలిసింది. 8 నిమిషాల సన్నివేశం కోసం దాదాపు ఇరవై కోట్ల భారీ వ్యయాన్ని చేశారని సమాచారం. గ్రాఫిక్స్ హంగులతో ఈ పోరాట ఘట్టాల్ని తీర్చిదిద్దారని తెలిసింది. తమిళ, తెలుగు భాషల్లో రూపొందుతున్ను ఈ సినిమాపై ప్రేక్షకుల్లో భారీ అంచనాలు ఏర్పడ్డాయి. 

ఈ నెల 9న మహేష్‌బాబు పుట్టినరోజు సందర్భంగా ప్రత్యేక టీజర్‌ను విడుదల చేయనున్నారు. రకుల్‌ప్రీత్‌సింగ్ కథానాయికగా నటిస్తున్న ఈ చిత్రాన్ని దసరా కానుకగా విడుదల చేసేందుకు సన్నాహాలు చేస్తున్నారు. ఈ చిత్రానికి సంగీతం: హేరిస్‌జైరాజ్, నిర్మాత: ఎన్.వి.ప్రసాద్.