మెగా అభిమానులకు శుభవార్త. మెగాస్టార్ చిరంజీవి 150వ సినిమాకి ముహూర్తం ఖరారైంది. మెగా ఫ్యాన్స్ ఎప్పుడెప్పుడా అని ఎదురుచూస్తున్న మధురక్షణం రానే వచ్చింది. ఈనెల 29వ తేదీన మధ్యాహ్నం 1:30 గంటలకి ఈ సినిమా ముహూర్తం ఫిక్స్ అయ్యింది. ఈ నెల 29వ తేదీ తర్వాత రాబోయే రోజుల్లో మంచి ముహుర్తాలు లేవన్న కారణంగానే చిరు ఈ నిర్ణయం తీసుకున్నట్టు తెలుస్తోంది. తమిళంలో విజయం సాధించిన కత్తి రీమేక్లో చిరంజీవి నటిస్తున్న విషయం తెలిసిందే. ఈ చిత్రానికి వి.వి.వినాయక్ దర్శకత్వం వహించనున్నాడు.
ఈ సినిమాకు ''కత్తిలాంటోడు'' అనే టైటిల్ని ఖరారు చేసినట్టు సమాచారం. ముఖ్యంగా ఈ కథ మీద వివాదం చెలరేగడంతో కొంతకాలం ఈ సినిమా చర్చకి వాయిదా పడింది. అయితే వి.వి.వినాయక్ ఇవేమి పట్టించుకోకుండా తన పని తాను చేసుకుంటూపోయాడట. ఈ సినిమా కథను తెలుగుపరిశ్రమకు అనుగుణంగా స్క్రిప్టుని తీర్చిదిద్ది చిరంజీవికి వినిపించాడట. స్క్రిప్టు విన్న చిరంజీవి తెగ సంబరపడిపోయాడట, వెంటనే వినాయక్ని గట్టిగా కౌగిలించుకున్నాడట. ఈ చిత్రానికి రాం చరణ్ నిర్మాతగా వ్యవహరిస్తున్నాడు. ఇక షూటింగ్ మొదలుపెట్టడమే తరువాయి.