భారతీయ వినోద పరిశ్రమ దాని ప్రముఖ నటీనటుల మధ్య వివాహాలు-విడాకులు మామూలే. కొన్నేళ్లుగా, చాలామంది సెలబ్రిటీలు తమ వివాహాలకు బైబై చెప్పేసి విడాకులు పుచ్చుకుంటున్నారు. ఇలాంటి వారిలో సమంత- నాగచైతన్యల గురించి ప్రత్యేకంగా చెప్పుకోవచ్చు. తాజాగా టాలీవుడ్ సూపర్ స్టార్ పవన్ కళ్యాణ్ మూడోసారి విడాకుల బాట పట్టనున్నారనే ఊహాగానాలు జోరందుకున్నాయి.
పవన్ కళ్యాణ్ ఆయన మూడవ భార్య అన్నా లెజ్నెవాకు దూరమవుతున్నట్లు సోషల్ మీడియాలో వార్తలు వస్తున్నాయి. ఈ వార్తలపై కొన్ని యూట్యూబ్ ఛానెల్‌లలో పుకార్లు మస్తుగా రొటేట్ అవుతున్నాయి. హైదరాబాద్‌లోని నాంపల్లి కోర్టులో ఈ జంట కేసు వేశారని.. త్వరలో విడాకులు తీసుకుంటారని వదంతలు వస్తున్నాయి.
పవన్ కళ్యాణ్- అన్నా లెజ్నెవా 2013లో వివాహం చేసుకున్నారు. ఈ దంపతులకు పోలెనా అంజనా పవనోవ్నా అనే కుమార్తె, మార్క్ శంకర్ పవనోవిచ్ అనే కుమారుడు ఉన్నారు. గతంలో నందిని, రేణు దేశాయ్‌లను పెళ్లి చేసుకున్న కళ్యాణ్‌కి ఇది మూడో పెళ్లి కావడం గమనార్హం.
