తెలుగు, తమిళ టెలివిజన్ సీరియల్స్, చిత్రాలలో నటించిన పావని రెడ్డి ఫిబ్రవరి 20న కొరియోగ్రాఫర్ అమీర్‌ను వివాహం చేసుకోనున్నారు. ఈ విషయాన్ని ఇన్‌స్టాగ్రామ్‌ ద్వారా ఆమె ప్రకటించింది. పావని రెడ్డి మొదట్లో తెలుగు సీరియల్స్ ద్వారా గుర్తింపు పొంది, వెండితెరకు పరిచయం అయ్యింది.
ఆ తర్వాత చారి 111, మళ్ళీ మొదలైంది, గౌరవం, డ్రీమ్, డబుల్ ట్రబుల్ వంటి చిత్రాలలో నటించారు. టాలీవుడ్‌తో పాటు, ఆమె తమిళ చిత్ర పరిశ్రమలో కూడా పనిచేసింది. పావని గతంలో తెలుగు నటుడు ప్రదీప్ కుమార్‌ను 2013లో వివాహం చేసుకుంది. అయితే, 2017లో ప్రదీప్ ఆత్మహత్య చేసుకుని మరణించాడు.
పావని బిగ్ బాస్ తమిళ సీజన్ 5లో పాల్గొంది. అక్కడ ఆమె రెండవ రన్నరప్‌గా నిలిచింది. ఆ షో సమయంలో, ఆమె తోటి పోటీదారుడు అమీర్‌తో సంబంధాన్ని పెంచుకుంది. ప్రస్తుతం వీరిద్దరూ వివాహం చేసుకోనున్నారు.
