తమిళ సూపర్ స్టార్ రజినీకాంత్, దర్శకుడు శంకర్ కాంబినేషన్లో ప్రతిష్టాత్మకంగా రూపొందుతున్న చిత్రం 'రోబో 2.0'. రూ.350 కోట్ల బడ్జెట్తో రూపొందుతున్న ఈ చిత్రంలో దర్శకుడు చాలావరకు బాలీవుడ్ నటులనే ఎంపికచేసుకుంటున్నాడు. ఇప్పటికే ఈ చిత్రం షూటింగ్ శరవేగంగా జరుగుతుంది. ఇకపోతే ఈ చిత్రం గ్రాఫిక్స్ కోసమే నిర్మాతలు దాదాపు రూ.వంద కోట్లు ఖర్చు చేస్తున్నారట.
కాగా ఈ చిత్రంలో బాలీవుడ్ హీరో అక్షయ్ కుమార్ విలన్గా నటిస్తున్న సంగతి తెలిసిందే. ఈ చిత్రంలో అక్షయ్ కాకిలా డిఫరెంట్ పాత్రలో కనిపించనున్నాడు. అయితే అక్షయ్ కుమార్ మేకప్ అయ్యే ఖర్చు ఎంతో తెలిస్తే దిమ్మ దిరిగిపోవాల్సిందే. ఈ మేకప్ చేయడానికి దాదాపు రూ.3 నుండి రూ.4 కోట్ల రూపాయలు ఖర్చు అవుతున్నాయట. అవతార్ సినిమాకు మేకప్ ఆర్టిస్ట్గా పనిచేసిన సియాన్ పుట్... అక్షయ్ కుమార్కు మేకప్ వేస్తున్నాడట. ఈ మేకప్కి దాదాపు 6 గంటల సమయం పడుతుండట. ఈ సినిమాకు సంబంధించి అక్షయ్ కొత్త లుక్ ఇటీవల విడుదలైంది.