''ఒకటో నెంబర్ కుర్రాడు'' చిత్రం ద్వారా టాలీవుడ్‌లో అరంగేట్రం చేశాడు నందమూరి తారకరత్న. ఈ నందమూరి హీరో తరువాత సరైన హిట్లు లేక వెనకపడ్డాడు. వరుసగా 9 సినిమాలతో ఎంట్రీ ఇచ్చిన తారకరత్నఆ తరువాత అసలు సినిమాలే చేయకుండా కనుమరుగయ్యాడు. ఇదిలా ఉంటే నందమూరి తారకరత్న.. ఇప్పుడు సూపర్ క్రేజ్‌ని సొంతం చేసుకున్నాడు.
హీరోగా అంతగా సక్సెస్ సాధించలేకపోయినా విలన్‌గా మార్కులు కొట్టేశాడు. గతంలో ''అమరావతి'' చిత్రంలో విలన్‌గా మెప్పించిన విషయం తెలిసిందే. రీసెంట్‌గా రిలీజైన ''రాజా చెయ్యి వేస్తే''లోనూ విలన్‌గా ఇరగదీశాడు. ''రాజా చెయ్యి వేస్తే''లో హీరో పాత్రకంటే విలన్ పాత్రకే మంచి గుర్తింపు వస్తోంది. ఈ క్రమంలో తారకరత్నకు విలన్ రోల్ చేయాలంటూ మరో ఆఫర్ వచ్చిందట.
గోపిచంద్ మలినేని, సాయి ధరం తేజ్ కాంబోలో రాబోతున్న చిత్రానికి విలన్‌గా తారకరత్నను తీసుకునే ఆలోచనలో చిత్రయూనిట్ ఉన్నారట. మెగా కుటుంబంతో ఉన్న బంధుత్వం కోసం నందమూరి తారకరత్న విలన్‌గా మారాలనుకుంటున్నాడు. అయితే ఈ విషయంపై ఇంకా పూర్తి వివరాలు తెలియాల్సి ఉంది. ఈ సినిమాని తారక్ ఓకే చేస్తే రీ ఎంట్రీ టైంలో నందమూరి హీరో టాప్ రేంజ్‌లో వెళ్తాడనడంలో సందేహం లేదు.
