తమిళ హీరోలను ఠారెత్తిస్తున్న మహేష్ "స్పైడర్"
సూపర్ స్టార్ మహేష్ బాబు గత కొన్నేళ్లుగా సౌత్ ఇండియాలో తన నటన, అందం ఫాలోయింగ్‌లో నం.1 స్థానంలో కొనసాగుతున్నారు. ఇప్పటికే ఇండియాలో మోస్ట్ డిసైరబుల్ సెలబ్రిటీల లిస్ట్‌లో 2016 సంవత్సరానికిగానూ 7వ స్థానాన్
సూపర్ స్టార్ మహేష్ బాబు గత కొన్నేళ్లుగా సౌత్ ఇండియాలో తన నటన, అందం ఫాలోయింగ్‌లో నం.1 స్థానంలో కొనసాగుతున్నారు. ఇప్పటికే ఇండియాలో మోస్ట్ డిసైరబుల్ సెలబ్రిటీల లిస్ట్‌లో 2016 సంవత్సరానికిగానూ 7వ స్థానాన్ని కైవసం చేసుకున్నారు. అంటే ఈ లెక్కన సౌత్ ఇండియాలో అతనే ఆ లిస్ట్‌లో టాప్ ప్లేస్‌లో ఉన్నాడన్న మాట.
అదలావుంచితే మహేష్ తాజాగా నటిస్తున్న "స్పైడర్" చిత్రం తెలుగు, తమిళ భాషల్లో ఏకకాలంలో నిర్మితమౌతోంది. ఇప్పటికే రిలీజైన టీజర్‌కి మంచి రెస్పాన్స్ వచ్చింది. మామూలుగానే తెలుగులో మహేష్ నటించే సినిమాలకు మంచి మార్కెట్ ఉంది. కానీ ఈసారి తమిళం మీద కన్నేసాడు. ఎంతలా అంటే ఈ సినిమా శాటిలైట్ రైట్స్ ఒక్క తమిళంలో మాత్రమే రూ.17 నుంచి రూ.18 కోట్లకు ఏజీఎస్ అనే ఫిల్మ్ డిస్ట్రిబ్యూషన్ సంస్థ కైవసం చేసుకుందని భోగట్టా.
సాధారణంగా తమిళంలో పెద్ద హీరోల సినిమాలు మాత్రమే ఈ స్థాయిలో బిజినెస్ చేస్తుంటాయి. కానీ ఈసారి భిన్నంగా మన తెలుగు హీరో నటిస్తున్న సినిమా అక్కడ రిలీజుకు ముందే రికార్డులను సృష్టిస్తోంది. ఏమో తన అందం, నటనతో తమిళ ప్రేక్షకులకు మహేష్ మరింత చేరువ అవుతాడో లేదో చూడాలంటే దసరా దాకా ఆగాల్సిందే మరి.
