దర్శకులు గొప్పవారు.. నేను ఎప్పటికీ బుర్రలేని వాడినే : కీరవాణి ట్వీట్స్

ప్రముఖ సంగీత దర్శకుడు ఎం.ఎం.కీరవాణి తన కెరీర్‌, ప్రస్తుత సినీ పరిశ్రమకు సంబంధించిన పలు విషయాలపై ఇటీవల ట్విటర్‌ వేదికగా అభిప్రాయాలను పంచుకుంటున్నారు. తాజాగా ఆయన కొన్ని ఘాటైన ట్వీట్లతో విరుచుకుపడ్డారు.

ప్రముఖ సంగీత దర్శకుడు ఎం.ఎం.కీరవాణి తన కెరీర్‌, ప్రస్తుత సినీ పరిశ్రమకు సంబంధించిన పలు విషయాలపై ఇటీవల ట్విటర్‌ వేదికగా అభిప్రాయాలను పంచుకుంటున్నారు. తాజాగా ఆయన కొన్ని ఘాటైన ట్వీట్లతో విరుచుకుపడ్డారు. సోమవారం మరోసారి వరుస ట్వీట్లు చేశారు. దర్శక, నిర్మాత తమ్మారెడ్డి భరద్వాజ సలహా మేరకు గతంలో చేసిన ట్వీట్లను డిలీట్ చేసినట్టు వెల్లడించారు. అంతేకాకుండా, తాజాగా కీరవాణి చేసిన ట్వీట్లపై ఓ లుక్కేస్తే... 

నేను చేసిన ట్వీట్లు చాలామందిని బాధించాయి. తమ్మారెడ్డి భరద్వాజ వంటి పెద్దల సూచన మేరకు వాటిని డిలీట్‌ చేశాను. మేమందరం ఎప్పటికీ విద్యార్థులమే. తప్పులు చేస్తుంటాం. తమ్మారెడ్డి భరద్వాజలాంటి వారు మమ్మల్ని సరిదిద్దుతుంటారని పేర్కొన్నారు. ముఖ్యంగా దర్శకులంతా గొప్పవారు, వినయ, విధేయతలు కలిగిన వారు. నేను ఎప్పటికీ బుర్రలేని వాడినే అని తనపై సెటైర్లు వేసుకున్నారు. ప్రపంచంలో ఉన్న దర్శకులందరూ గొప్పవాళ్లు. వాళ్లతో పనిచేసేందుకు నేను పడి చస్తా. అయితే అందరికన్నా చివరిలో స్థానంలో ఉండే నేనో వయసు మళ్లిన, బుర్రలేని కంపోజర్‌ని అంటూ పేర్కొన్నారు. 

ఎందరో మహానుభావులు అందరికీ వందనములు. మరోసారి తమ్మారెడ్డి భరద్వాజ, త్యాగయ్యగారికి ధన్యవాదాలు. నేను వృద్ధుడిని అయిపోయానని ఎలా మర్చిపోయానో? గీత ర‌చ‌యిత‌లంద‌రూ నాకు ఇష్టమే. అన్ని పాటలు వారు కష్టపడి రాశారన్నారు. చంద్రబోస్‌ నా మేనల్లుడు. బంధుప్రీతికే నా ఓటు. ఆ కారణంగా నా సినిమాలకు ఆయన ఎన్నో పాటలు రాశారు. నేను వసుధైక కుటుంబాన్ని, బంధుప్రీతిని నమ్ముతా. నేను బ్రురలేనివాడినైతే అది కరెక్ట్‌ అంటూ ట్వీట్ చేశారు.