గోవా బ్యూటీ ఇలియానా ఇపుడు ఓ స్టార్ హీరోయిన్ సోదరుడుతో డేటింగ్ చేస్తున్నట్టు వార్తల వస్తున్నాయి. ఈ మేరకు ఆంగ్ల పత్రికల్లో వార్తలు చక్కర్లు కొడుతున్నాయి. ఈ క్రమంలోనే ఆ బీటౌన్‌ లేడీ బర్త్‌డే వేడుకల్లోనూ ఇలియానా పాల్గొని సందడి చేసిన కొన్ని ఫొటోలు నెట్టింట దర్శనమిస్తున్నాయి. ఇంతకీ ఆ బాలీవుడ్‌ భామ ఎవరో కాదు కత్రినా కైఫ్.
ప్రస్తుతం సరైన విజయాల్లేక సినిమాలకు కాస్త దూరంగా ఉంటున్న ఆమె కత్రినా కైఫ్ సోదరుడు సెబాస్టియన్‌తో ప్రేమలో పడినట్లు తెలుస్తోంది. ఈ ఏడాది కత్రినా.. తన పుట్టినరోజు వేడుకల కోసం భర్త విక్కీ, సోదరుడు సెబాస్టియన్‌, ఇతర కుటుంబసభ్యులతో కలిసి మాల్దీవులకు వెళ్లగా ఈ వేడుకల్లో ఇలియానా సైతం పాల్గొన్నారు. సెబాస్టియన్‌తో సందడి చేశారు. దీనికి సంబంధించిన ఫొటోలను కత్రినా, ఇలియానా ఇన్‌స్టా వేదికగా షేర్‌ చేశారు.
వీటిని చూసిన నెటిజన్లు.. 'ఎలాంటి సంబంధం లేకుండా ఇలియానా ఈ వేడుకల్లో ఎందుకు పాల్గొన్నారు?' అని చర్చించుకుంటున్నారు. దీంతో ఈ జంట ప్రస్తుతం డేటింగ్‌లో ఉందంటూ పలు ఆంగ్ల వెబ్‌సైట్‌లలో వార్తలు వెల్లువడ్డాయి. మరోవైపు సెబాస్టియన్‌ ఇన్‌స్టా ఖాతాని ఇలియానా గత కొంతకాలంగా ఫాలో అవుతున్నారు.
