వైఎస్సార్ కాంగ్రెస్‌లోకి సినీ నటి హేమ.. ఆర్కే రోజాకు చెక్ పెట్టేందుకు కాదట..
''మా'' ఎన్నికల సందర్భంగా హంగామా సృష్టించిన నటి హేమ గురించి ప్రత్యేకంగా చెప్పాల్సిన అవసరం లేదు. సినిమాల్లో బ్రహ్మానందంకు జోడీగా నటిస్తూ, కామెడీ పండించడంలో ముందుండే హేమ.. వివాదాస్పద వ్యాఖ్యలు చేయడంతో ఏమ
''మా'' ఎన్నికల సందర్భంగా హంగామా సృష్టించిన నటి హేమ గురించి ప్రత్యేకంగా చెప్పాల్సిన అవసరం లేదు. సినిమాల్లో బ్రహ్మానందంకు జోడీగా నటిస్తూ, కామెడీ పండించడంలో ముందుండే హేమ.. వివాదాస్పద వ్యాఖ్యలు చేయడంతో ఏమాత్రం వెనక్కి తగ్గదు. క్యారెక్టర్ ఆర్టిస్టుగా అనేక సినిమాల్లో నటించిన ఈమె.. ఫైర్ బ్రాండ్ నగరి ఎమ్మెల్యే రోజా వుండే వైఎస్సార్ కాంగ్రెస్‌లో చేరనున్నట్లు జోరుగా ప్రచారం సాగుతోంది.
హేమ గతంలో మాజీ సీఎం నల్లారి కిరణ్ కుమార్ రెడ్డి స్థాపించిన జై సమైక్యాంధ్ర పార్టీలో చేరి, అసెంబ్లీ ఎన్నికల్లో పోటీ చేసి ఓటమి పాలైన సంగతి తెలిసిందే. ఈ నేపథ్యంలో సినీ నటి, కాపు సామాజిక వర్గం మహిళా నేతగా పేరు తెచ్చుకున్న హేమ త్వరలోనే వైకాపా తీర్థం పుచ్చుకోనుందని తెలిసింది.
ఇప్పటికే హేమను పార్టీలో చేరాలని ఆ పార్టీ నేతలు ఆహ్వానించినట్లు సమాచారం. అయితే, పార్టీలో ప్రధాన మహిళా నేతగా ఉన్న రోజాకు చెక్ చెప్పేందుకు హేమను ఆహ్వానించినట్టు వచ్చిన వార్తలను ఆ పార్టీ నేతలు ఖండించారు. త్వరలోనే వైఎస్ జగన్ సమక్షంలో హేమ పార్టీలో చేరుతారని పార్గీ వర్గాల సమాచారం.
