ప్రభాస్ హీరోగా, పూజా హెగ్డే హీరోయిన్‌గా తెరెక్కిన పాన్ ఇండియా మూవీ "రాధేశ్యామ్". వచ్చే యేడాది జనవరి 14వ తేదీన సంక్రాంతికి ప్రేక్షల ముందుకురానుంది. రాధా కృష్ణకుమార్ దర్శకత్వం. ఈ చిత్రం ప్రమోషన్ కార్యక్రమాలు జోరుగా సాగుతున్నాయి. ఈ క్రమంలో తాజాగా ఈ చిత్రానికి గేయ రచయితగా పనిచేసిన కృష్ణకాంత్ ఈ సినిమా స్టోరీపై కీలక వ్యాఖ్యలు చేశారు.
దీనిపై ఆయన తాజాగా ఇచ్చిన ఇంటర్వ్యూలో మాట్లాడుతూ, ఈ చిత్రం పూర్తిగా 1970లో యూరప్ నేపథ్యంలో సాగే ప్రేమకథ. ఇది పునర్జన్మల ఆధారంగా తెరకెక్కించారు. టైమ్ ట్రావెల్ సినిమా అని ఊహాగానాలు వినిపిస్తున్నాయి. కానీ, ఈ చిత్రం మొత్తం ఒక రైలు ప్రయాణంలోనే సాగుతుందని మరికొందరు అంటున్నారు. కానీ, ఈ సస్పెన్స్ ఇలాగే కొనసాగనివ్వండి.
ఈ చిత్రంలో ఐదు పాటలకు గేయ రచన చేశాను. ఈ చిత్రం కోసం రాసిన రాతలు చాలా సంక్లిష్టంగా అనిపించవచ్చు. కానీ, బిగ్ స్క్రీన్‌పై చాలా బాగా ఉంటాయన్నారు. కాగా, సైన్స్ ఫిక్షన్ రొమాంటిక్ డ్రామా నేపథ్యంలో సాగే ఈ కథకు జస్టిన్ ప్రభాకర్ సంగీతం సమకూర్చారు.
