రజినీకాంత్ కబాలి కొత్త రికార్డులు : ఫస్ట్ డే కలెక్షన్స్ రూ.42 కోట్లు
సూపర్ స్టార్ రజినీకాంత్ కొత్త చిత్రం కబాలి. ఈ చిత్రం రివ్యూలు సంగతి ఎలా ఉన్నా.. సినిమా అంతగా బాలేదు అన్న అభిప్రాయం వ్యక్తమవుతున్నా.. ఈ చిత్రం మాత్రం కలెక్షన్ల పరంగా దూసుకుపోతోంది.
సూపర్ స్టార్ రజినీకాంత్ కొత్త చిత్రం కబాలి. ఈ చిత్రం రివ్యూలు సంగతి ఎలా ఉన్నా.. సినిమా అంతగా బాలేదు అన్న అభిప్రాయం వ్యక్తమవుతున్నా.. ఈ చిత్రం మాత్రం కలెక్షన్ల పరంగా దూసుకుపోతోంది. ఎన్నో అంచనాల మధ్య విడుదలైన కబాలి చిత్రం టాక్‌తో సంబంధం లేకుండా కలెక్షన్ల సునామీ సృష్టిస్తోంది. రజినీ మేనియానే దీనికి కారణమని ఫ్యాన్స్ చెబుతున్నారు.
తొలి రోజు కబాలి సౌత్ కలెక్షన్స్ ఆశ్చర్యానికి గురిచేశాయి. సౌత్ ఇండియాలో మొదటి రోజు రూ.42 కోట్లు సాధించి కొత్త రికార్డుకు తెరతీసింది. నార్త్ ఇండియా స్టేట్స్‌తో పాటు హిందీ భాషలో రిలీజైన కబాలి తొలిరోజు రూ.5.2 కోట్లు సాధించింది. మలేషియాతో పాటు ఇతర దేశాల్లో రూ.17 కోట్లు రాబట్టింది. యుఎస్‌ఏలో ప్రీమియర్ షోకు రూ.13.4 కోట్లు సాధించి కబాలి సరికొత్త రికార్డులను సృష్టించింది.
ప్రపంచ వ్యాప్తంగా వేల థియేటర్లలో విడుదలైన ‘కబాలి’ సినిమా గత కలెక్షన్ల రికార్డులన్నింటినీ బద్దలుకొట్టి తొలిరోజు భారీగా వసూళ్లు రాబట్టడం ప్రశంసల జల్లు కురుస్తోంది. ‘కబాలి’ కలెక్షన్లు లెజెండ్ రజినీ సత్తాను మరోసారి ప్రపంచానికి చాటాయని బాలీవుడ్‌ స్టార్ హీరో అజయ్ దేవగణ్‌ కితాబిచ్చారు. మరోవైపు రజనీ సినిమాపై ఎప్పటిలాగే జోక్స్‌, ఛలోక్తులు ఆన్‌లైన్‌లో వీరవిహారం చేస్తున్నాయి.
