Select Your Language

Notifications

webdunia
webdunia
webdunia
webdunia
Advertiesment

బిగ్ బాస్ తెలుగు 3... ఎన్టీఆర్ కు రూ. 20 కోట్లు, ప్రైజ్ మనీ రూ. 1 కోటి?

webdunia
మంగళవారం, 29 జనవరి 2019 (18:03 IST)
తెలుగు రాష్ట్రాల్లో బాగా పాపులర్ అయిన బిగ్ బాస్ సీజన్ 3కి రంగం సిద్ధం చేసుకుంటోంది. 3వ సీజన్ షోను భారీ ఎత్తున నిర్వహించాలని, దీనికి కూడా జూనియర్ ఎన్‌టీఆర్‌నే హోస్ట్‌గా పెట్టాలని స్టార్ మా యాజమాన్యం భావిస్తోందట. 3వ సీజన్‌ను గత రెండు సీజన్‌ల కంటే ఎక్కువ కాలం నిర్వహించాలని యాజమాన్యం భావిస్తున్నట్లు సమాచారం.
 
గత రెండు సీజన్లకు ప్రైజ్ మనీ 50 లక్షలు కాగా మూడవ సీజన్‌లో దాన్ని రెట్టింపు చేసే యోచనలో ఉన్నట్లు వినికిడి. అంతేకాకుండా హోస్ట్‌గా జూనియర్ ఎన్‌టీఆర్ వస్తే అతనికి 20 కోట్లు అయినా చెల్లించేందుకు సిద్ధంగా ఉన్నట్లు సమాచారం.
 
అయితే జూనియర్ ఆర్ఆర్ఆర్ సినిమాకు కమిట్ అయినందున అవసరమైతే రాజమౌళిని ఒప్పించి అయినా జూనియర్‌నే హోస్ట్‌గా పెట్టాలని యాజమాన్యం భావిస్తోందట. దీని కోసం జూనియర్‌ను శనివారం నాలుగు గంటలు, ఆదివారం నాలుగు గంటలు షోలో పాల్గొనేలా చేసి అటు సినిమాకు కూడా ఇబ్బంది కలగకుండా చేయాలని భావిస్తున్నట్లు సమాచారం. ఇలా ఉండగా ఈ విషయంలో అన్నీ ఆలోచించిన తర్వాతే తన నిర్ణయం తెలియజేస్తానని అప్పటివరకు తొందరపడి ఎటువంటి నిర్ణయం తీసుకోవద్దని జూనియర్‌కు సూచించినట్లు ఇండస్ట్రీ వర్గాల సమాచారం.

Share this Story:

Follow Webdunia Hindi

తర్వాతి కథనం

వెండితెర 'వైఎస్సార్' పక్కన సన్నీలియోన్ కూర్చుంది.. వైరల్..